Kalasara 5.p128

5.p128

tadvrataṃ nityaṃ kāmyaṃ ca naramātrādhikārikam | tathācāgastyasaṃhitāyām,prāpte śrīrāmabhavamīdine martyo vimūḍhadhīḥ | upoṣakhaṃ na kurute kumbhīpākeṣu pacyate || akṛtvā rāmanavamīvrataṃ sarvvavratottamam | vratānyanyāni kurute na teṣāṃ phalabhāg bhavet || tathā, — tasmin dine tu karttavyamupavāsavrataṃ sadā| tathā, — kuryyādrāmanavamyāṃ tu upoṣaṇamatandritaḥ | māturgarbhamavāpnoti naiva rāmo bhavet svayam || tasmāt sarvātmanā sarvaiḥ kṛtvaiva navamīvratam | mucyante pātakaiḥ sarvairyānti brahma sanātanam || iti kevalòpavāsenāpi nityasiddhiḥ| kāmyatve tu, śrīrāmanavamī proktā koṭisūryyagrahopamā | tasmin dine mahāpuṇye rāmamuddiśya bhaktitaḥ || yatkiñcit kurute karma tad bhavatyakṣayārakam | upoṣaṇaṃ jāgaraṇaṃ pitṝnuddiśya tarpaṇam || tasmin dine tu karttavyaṃ brahmaprāptimabhīpsubhiḥ | ityagastyasaṃhitokteḥ sarvāṅgopasaṃhāraḥ kāryyaḥ | tathā, — sūryyagrahe kurukṣetre mahādānaiḥ kṛtairmuhuḥ | yat phalaṃ tadavāpnoti śrīrāmanavamīvratāt || atha madhyāhnaḥ karmakālaḥ | tathācāgastyasaṃhitāyām, — meṣaṃ pūṣaṇi saṃprāpte lagne karkaṭakāhvaye | āvirāsīt sa kauśalyā kauśalyāyāṃ paraḥ pumān || tathā, — caitraśuklanavamyāṃ tu rāmasya pūjanaṃ bhavet | tato madhyāhnavelāyāṃ sañjāto hi jagatpatiḥ'|| caitre śuddhā tu navamī punarvasuyutā yadi | saiva madhyāhnayogena mahāpuṇyatamā bhavet || navamī cāṣṭamīviddhā tyājyā viṣṇuparayaṇaiḥ | upoṣaṇaṃ navamyāṃ vai daśamyāmava pāraṇam