Kalasara 5.p156

5.p156

brahmāṇḍe, - saṅkrāntyāṃ pañcadaśyāñca dvādaśyāṃ śrāddhavāsare | vastrañca pīr̤yate naiva kṣāreṇāpi na yojayet || haribhaktivilāsādigranthānālokya samprati | vaiṣṇavaikādaśībhedā likhyante'nativistaram || tatrādau vaiṣṇavalakṣaṇam, viṣṇupurāṇe, - na calati nijavarṇadharmato yaḥ samamatirātmasuhṛdvipakṣapakṣe | na harati na ca hanti kiñciduccaiḥ sitamanaṣa ntamavehi viṣṇubhaktam || skānde, - paramāpadamāpanno harṣe vā samupasthite | naikādaśīṃ tyajedyastu tasya dīkṣāsti vaiṣṇavī || samātmā sarvajīveṣu nijācārādavicyutaḥ | viṣṇvarpitākhilācāraḥ sa hi vaiṣṇava ucyate || sadīkṣāvidhisannyāsaṃ sayantraṃ dvādaśākṣaram | aṣṭākṣaramathānyaṃ vā ye mantraṃ samupāsate || jñeyāste vaiṣṇavā loke viṣṇvarccanaratāstathā || mādhavācāryyāstu, - vaikhānasādyāgamoktadīkṣāprāpto hi vaiṣṇavaḥ | tatra nityatvādivicāraḥ(1) pūrvavat | kalākāṣṭhādivedho'pi sūryodaya ivāruṇodaye'pīti viśeṣaḥ | vilāsasaṃgrahakārikā, -