Kalasara 5.p160

Kālasāra 5.p160

Language: Sanskrit

5.p160

nāmnā sā tu jayā khyātā tithaunāmuttamā tithiḥ || tathā,– yadā tu śukladvādaśyāṃ prājāpatyaṃ prajāyate | jayantī nāma sā proktā sarvapāpaharā tithiḥ || tathā,– yadā tu śukladvādaśyāṃ nakṣatraṃ śravaṇaṃ bhavet | tadā sā tu mahāpuṇyā dvādaśī vijayā smṛtā || prājāpatyaṃ rohiṇī | tathā,– yadā tu śukladvādaśyāṃ puṣyaṃ bhavati karhicit | tadā sā tu mahāpuṇyā kathitā pāpanāśinī || ityādyuktā snānadānādiṣu bahūni phalānyuktāni| puṣyādyaṃ, punarvasunakṣatram | pañcabarddhinyāḥ spaṣṭalakṣaṇam, pādme,– amā vā yadi vā pūrṇā sampūrṇā jāyate yadā | bhūtvā ca ṣaṣṭighaṭikā jāyate pratipaddine || iti

Previous: 5.p159
Next: 5.p161
Up: 5

Linked texts (1)

Kālasāra — Gadādhara (Pāraskara commentator), Sanskrit