Kalasara 5.p193

5.p193

jayantī śivarāciśca kārye bhadrājayānvite | ityukteśca | nanu,— trayodaśyāṃ yadā rātrau yāmamekaṃ caturdaśī | upoṣya sā mahāpuṇyā śambhurvacanamabravīt || iti śaivokteḥ, bhaktyā rātrau prakarttavyo gītavādyaiḥ prajāgaraḥ | akhilāyāṃ trayodaśyāmante syācceccaturdaśī || ityukteśca | pūrvoktavedhakālādanyo'pi vedhakālo'sti iti cet | maivam | atra caturthayāme, ante vā yadā trayodaśyāṃ caturdaśīyogo grāhyaḥ, tadā kiṃ vaktavyam, arddharāce trayodaśīyoga iti, ante vedha(1) ukto na tu bhedābhiprāyeṇa | nanu tadvākyānantaraṃ “mahatāmapi pāpānāṃ” ityādinā darśayoganindopalambheḥ tādṛśasthale etad grāhyamiti cet na | arddharātrayutāṃ yastu māghakṛṣṇacaturdaśīm | śivarātrivrataṃ kuryātso'śvamedhaphalaṃ labhet || sūryyāste navanār̤īṣu bhūtaviddhā trayodaśī | śivarātrivrataṃ tatra kuryyājjāgaraṇaṃ tathā || bhavedyatra trayodaśyāṃ bhūtavyāptā mahāniśā | śivarātrivrataṃ kuryyāt || ityādibahuvākyeṣu arddharātrasya pradoṣasya vā kālatvena uktatvāt | arddharātre pradoṣe vā trayodaśyabhāve'pi tadgrāhyatve “jayā-