Kalasara 6.p24

6.p24

atha śrīpuruṣottamakṣetre dvādaśayātrākālāḥ | tatra saṃgrahakārikā,– mañcasnānaṃ rathavaragatiḥ śayanaṃ śayane dve | pārśvārttiḥ śayaparivṛttiḥ prāvṛtiḥ puṣpapūjā || dolākelirdamanakamaho'ccayapuṣyatṛtīyā | yātrāḥ skānde haripratimayā dvādaśeti praṇītāḥ || skānde snānaṃ śrīguṇḍicāṃ coktā pratimāvacanam,– mama khāpaṃ mamotthānaṃ matpārśvaparivarttanam | mārge prāvaraṇaṃ caiva puṣye snānamahotsavam || phālgunyāṃ krauḍanaṃ kuryyāt dolāyāṃ mama bhūmipa · ayane māṃ samabhyarccā dṛṣṭvā māṃ praṇipatya ca || pratyekamaṣṭasāhasramaśvamedhaphalaṃ labhet | caitre māsi caturddaśyāṃ damanairmama pūjanam | śuklapakṣe tu yaḥ paśyet sarvvapāpakṣayaṃ labhet || vaiśākhasya site pakṣe tṛtīyākṣayasaṃjñikā | tatra māṃ lepayedgandhaścandanairatiśobhanaiḥ || prītaye mama ye kuryuṅgattsavān mama śāśvatān | caturvvargapradā hyete pratyekaṃ tu prakīrttitāḥ || punastacaiva, - svalpā vā mahatī yātrā sarvā muktipradāyikā | tasmin tasmin dine dṛṣṭo bhagavān muktidobruvam || viśvāsahetormūrkhāṇāṃ yātrā hyetāḥ kṛpāvatā | viṣṇunā kīrttitā viprāḥ pāpināṃ kalmaṣāpahāḥ || āyāsajanitaṃ puṇyaṃ manyante te narādhamāḥ | tatrādau snānayātrā | brāhme, - māse jyeṣṭe tu saṃprāpte nakṣatre śakradaivate | paurṇamāsyāṃ tadā snānaṃ sarvvakāmaṃ hareddijāḥ || tathā, - tathā samastatīrthāni pūrvoktāni ddijottamāḥ | sodakaiḥ puṣpamiśraistu snāpayanti pṛthak pṛthak || tathā, - sūryyasya udaye snānaṃ praśaṃsanti maharṣayaḥ | udaye iti udayāvyavahitapūrvvakāle | tathā, - tasmin kāle tu ye martyāḥ purāṇaṃ puruṣottamam | balabhadraṃ subhadrāñca te yānti padamavyayam || evaṃ bahūni phalānyuktā, brahmahatyādikaṃ pāpaṃ praṇaśyānna na saṃśayaḥ | puruṣottamapurāṇe, - jayasta rāma kṛṣṇeti subhadreti sahasraśaḥ | vadanti mārjane kāle yānti brahmapadaṃ mama || brāhmè,– dakṣiṇamūrttidarśanaphalam,– snātaṃ paśyanti ye kṛṣṇaṃ vrajanti dakṣiṇāmukham | brahmahatyādibhiḥ pāpai mucyante te na saṃśayaḥ || prāsādamadhyapraveśānantaraṃ vāyavīye,– tataḥ pañcadaśāhāni mama snānādanantaram | surūpaṃ vā virūpaṃ vā na paśyetpratimāṃ mama || ityādi | jyeṣṭhānakṣatraṃ vināpīya yātrā phaladā | anyathā “sarvakālam” ityasaṅgataṃ syādatra bahūni phalāni vistarabhayānna likhitāni | “daive audayikī” iti nāradīyokte daivatòtsaveṣu udayavyāpterevavyavasthāpakatvāt | atra tithivaidhe paradine snānam | kevalaṃ dinadvaye'pyudayasambandhe pūrvadina eva | ṣaṣṭidaṇḍātmikāyāśca titherniṣkramaṇe pare | akarmaṇyaṃ tithimalaṃ vidyādekādaśīṃ vinā || iti brahmāṇḍokteḥ | paradinasya karmānarhatvāt | ṣaḍajayantīṣu aparājitākumārotsavādiṣu keṣucidapi viśiṣya snārttāvidheruktatvāt | tadvyatiriktasarvayātrādikāryyeṣu śrīpuruṣottamaśrībhuvaneśvarakṣetraprāsādayogudayavedha eva gṛhyate | vakṣyamāṇāyanādisaṃkrāntiṣu yasmikṣahorātramadhye ravisaṃkramaṇaṃ, taddina eva yātrā kāryā | devayātrāyāḥ paradine snānadānalābhāvāna paradine prāptipraśaṅgāpi kāryā dūti bodhyam | iti snānayātrā