Kalasara 6.p25

6.p25

atha guṇḍicā | brāhme,— guṇḍicāmaṇḍapaṃ yāntaṃ ye paśyanti rathe sthitam | balaṃ kṛṣṇaṃ subhadrāñca te yānti bhavanaṃ hareḥ || ye paśyanti tadā kṛṣṇaṃ saptācaṃ maṇḍape sthitam | hariṃ rāmaṃ subhadrāñca viṣṇulokaṃ vrajanti te || tathā guṇḍicāmupakramya,— yasyāḥ saṅkīrttanādeva naraḥ pāpāt pramucyate | tatra nānāvidhabahuphalānyuktāni draṣṭavyāni | tatra nānopahāradānañca likhitaṃ sarvakāmaprāptyartham | skānde śrījagannāthapratimāyā indradyumnaṃ prati vacanam,— āṣāḍhasya site pace dvitīyā puṣyasaṃyutā | ityādyuktvā, ṛkṣābhāve tithau kāryyā sadā sā prītaye mama || iti | sā guṇḍicā | sadāśabdācceyaṃ śrīpuruṣottamakṣetre avaśyaṃ kāryyā | nakṣacaṃ vināpi kāryyeti gamyate | akaraṇe bahavo doṣā ayuktā vistarabhayānna likhitāḥ | tasmānnacatrayogaḥ śreyān | na tadanusāreṇa vyavastheti siddham | skānde,— dināni nava yāsyāmi tathā tasmādihāgatam | tatrāsti te mahārāja sarvatīrthamayaṃ saraḥ || tattīre sapta divasān sthāsyāmyanujighṛkṣayā | tatra sthitaṃ māṃ paśyanto yānti marttyā mamālayam || tisraḥ koṭyo'rddhakoṭī ca tīrthānāṃ bhuvanatraye | tāni sarvāṇi sarasi matsāvidhāvvrajanti ca || tatra snātvā ca vidhivaddṛṣṭvā māṃ bhaktibhāvitāḥ | jananījaṭhare kleśaṃ punarnānubhavanti hi || navame'hni samāyāntaṃ dakṣiṇāśāmukhaṃ tadā | ye paśyanti pratipadamaśvamedhakṛtoḥ phalam || prāpya bhogānindrasamān bhuktvā'nte māṃ viśanti te | tathā,— saptāśaṃ yo naro nārī na sā prākṛtamānuṣī || saptāhamadhye tatraiva phalam,— divā taddarśanaṃ puṇyaṃ rātrau daśaguṇaṃ bhavet | iti śrīgaṇḍicā | atha hariśayanam | skānde,— āṣār̤haśukladvādaśyāṃ kuryātsvāpamahotsavam | tathā,— ye paśyanti mahātmānaḥ śayanotsavamuttamam | māturgarbhaṃ na paśyanti kārayanti ca ye mudam || iti hariśayanam | dakṣiṇāyanaṃ | skānde,—ataḥparaṃ pravakṣyāmi dakṣiṇāyanamuttamam | saṃkrānteḥ pūrvakāle yā kalā vai viṃśatirmatāḥ || ayanaṃ puṇyakālo'yaṃ puṇyakarmasu kamiṇām || tathā,— ayane dakṣiṇe tasminnarcyamānaṃ śriyaḥ patim | vihāya sarvapāpāni viṣṇulokaṃ vrajanti te || yat saṃkrānteḥ pūrvvaṃ puṇyakālatvamuktaṃ tatsambhave'dhikaphalamuktaṃ nāca tenaiva vyavasthā, sāmānyataḥ puṇyatvokteḥ| iti dakṣiṇāyanam | atha pārśvaparivarttanam | skānde,-ataḥparaṃ pravakṣyāmi pārśvasya parivarttanam | śayitasya jagadbharttuḥ parivarttayituṃyugam || nabhasye vimale pakṣe samprāpte harivāsare | sandhyākāle tadā viprāḥ karma kuryyādyathāvidhi || tasmin kāle ca yaḥ paśyet svapyādvā parameśvaram | parivṛttiṃ sa nāpnoti jananīgarbhasaṅkaṭe || punarapi nānāphalānyuktāni | iti pārśvaparivarttanam | atha utthāpanaikādaśī | skānde,- kumārapaurṇamāsīmuktā, tataḥ prabhāte saṅkalpya kārttike vratamuttamam | vratena tenaiva nayet yāvadekādaśī sitā || tasyāmutthāpayeddevaṃ prasuptaṃ parameśvaram | tathā,- śayanādutthitaṃ devaṃ ye paśyanti gadādharam | nidrāṃ mohmayīṃ bhittvā jyotiḥprāptiṃ vrajanti te || sarvvakāmaprāptyādīnyapi uktāni | 'iti utthāpanam ! atha prāvaraṇotsavaḥ | skānde, - mārgaśīrṣe site pakṣe ṣaṣṭhyāṃ prāvaraṇotsavam | kṛtvā dṛṣṭvā naro bhaktyā vaiṣṇavaṃ lokamāpnuyāt || ityādi | tatpūrvaṃ pañcamīdinakṛtyamuktam | tato'ruṇodaye kāle prātaḥ sandhyāsamīpataḥ | punaḥ prapūjayeddevaṃ pūrvavatsusamāhitaḥ || iti prāvaraṇotsavaḥ | atha puṣyābhiṣekaḥ | skānde, - puṣyarkṣaṇa ca saṃyuktā paurṇamāsī yadā bhavet | pauṣe māsi tadā kuryāt puṣyasnānotsavaṃ hareḥ || tathā, - puṣyasnānotsavaṃ puṇyaṃ ye paśyanti mudānvitāḥ | sampannasarvakāmāste vrajeyurvaiṣṇavaṃ padam || ityādi | asya pratyabdavihitatvānnakṣatrābhāve pūrṇimāyāmeva karaṇam | nakṣatrasadbhāve tu phalādhikyaṃ na tu tena vyavasthā | iti puṣyābhiṣekaḥ | uttarāyaṇam | brāhme, - uttare dakṣiṇe viprāstvayane puruṣottamam | dṛṣṭvā rāmañca kṛṣṇañca bhadrāṃ bhadrapradāyinīm || tyaktvā sarvāṇi pāpāni viṣṇulokaṃ sa gacchati | iti uttarāyaṇam | dolayātrā | brāhme,-naro dolāgataṃ dṛṣṭvā govindaṃ puruṣottamam | phālgune māsi bho viprā govindasya puraṃ brajet || dolāyamānaṃ govindaṃ yaḥ paśyet susamāhitaḥ | brahmahatyādipāpānāṃ karoti cayamātmanaḥ