Kalasara 6.p68

6.p68

śaṃkhañca taṇḍulamaṇau tithivārayośca | tārākalāyalavaṇānyathagaṇḍarātre dadyāt dvijāya kanakaṃ śucinār̤ikāyām || iti sāmānyaśāntiḥ kāryā | yadvā sarvvatra hemadānamātram,– sarvvadoṣopaśāntyarthaṃ hemadānantu kevalam | iti śāstrāt | viśeṣastvasmatkṛte ācārasāre draṣṭavyaḥ | manuḥ,– ṛtukālābhigāmī syāt svadāranirataḥ sadā | “ava vrate” iti sūtreṇa vatārthe ṇinipratyayaḥ | ayamṛtukālagamanavidhirapūrvvavidhiḥ | putrotpādanam pratyaprāptasya ṛtugamanasya śāstreṇa vidhānāt | nātra niyamavidhiśaṅkā, putrotpādane ṛtugamanasya pākṣikaprāpterabhāvāt | nāpi parisaṃkhyāvidhiḥ, ṛtugamanasya putrotpādanaṃ prati prāpterabhāvāt | tathāca,– vidhiratyantamaprāptau niyamaḥ pākṣike sati | tatra cānyatra ca prāptau parisaṃkhyeti kīrttyate || yattu niyama iti vijñāneśvarairuktam, tat putrotpādanasya nityatvāt ṛtugamanamapi nityaṃ ityabhiprāyeṇa | tasmāt sandhyāvandanādivadṛtugamanamapi nityam | yathā kāmī bhavedvāpi strīṇāṃ varamanusmaran | iti yājñavalkyokteranṛtāvapi gamane na doṣaḥ | ata eva,– ṛtau nopaiti yo bhāryāmanṛtau yaśca gacchati