Kalasara 6.p80

6.p80

atha cūḍākarma | cūḍā kāryā yathākulam | manuḥ, - prathame'bde tṛtīye vā karttavyaṃ śruticodanāt | śaṅkhalikhitau "prathamevarṣe cūḍākaraṇaṃ pañcame vā" | pāraskaraḥ,- "yathā maṅgalaṃ vā sarveṣāṃ yadā yathākulācāram" | yathāmaṅgalamiti, dharmaśāstrāntaravihitakālāntarasyopalakṣaṇam | ataeva kaiścit pañcame'bde kriyate, vaṅgabhistu upanayanāt pūrvaṃ yadākadāpi kriyate | atra viśeṣaḥ smṛtyantare, - sūnormātari garbhiṇyāṃ cūḍākarma na kārayet, prāk pañcavatsarādūrddhaṃ garbhiṇyāmapi kārayet | cūḍākṛtau śiśormātā garbhiṇī cedyadā bhavet, kṛte garbhavipattiḥ syāddampatyorvā sutasya vā || idaṃ cūḍādikaṃ karma makarādimāṣaṣaṅke, -, cūḍā māghādiṣaṭke laghucaramṛdabhe maitrabhaune saśukre, nānaṃśe satsu kendreṣvaśubhagaganagairvāṅgage viṣṇubodhe | bhoriktādyaṣṭaṣaṣṭhākhyatithiṣu na camārāhayugmābdamāse, no janmarhendumāse vighaṭakujagṭahinyacalamārkaśūddhau || iti jyotiḥśāstrāt | atra māghādipadaṃ sauramāsaparam | "sauro māso vivāhādau" ityukteḥ || iti cūḍākarmakālaḥ | athopanayanakālāḥ | viśvāmitrayājñavalkyau,— garbhāṣṭame'ṣṭame vābde brāhmaṇasyopanayanam | rājñāmekādaśe saike viśāmeke yathākulam