Kalasara 6.p79

6.p79

puṇye tithau muhūrtte vā nakṣatre vā guṇānvite || iti manūkteśca anyadāpi nāmakaraṇasamācāraḥ | tatra daśamadinapakṣo nādriyate, aśaucānantaramanyapakṣāṇāṃ sambhavāt ityabhiyuktāḥ| kalpatarukārāstu “daśamyāṃ” ityatra, yeṣāṃ daśāhnāt prāk śuddhiḥ teṣāmityāhuḥ | iti nāmakaraṇam | atha vahirniṣkramaṇakarma | “caturthe māsi niṣkramaḥ” | manuḥ,— caturthe māsi karttavyaṃ śiśorniṣkramaṇaṃ gṛhāt | yattu bhaviṣye,— dvādaśe hyani'rājendra śiśorniṣkramaṇaṃ gṛhāt | iti “tat śākhābhedāt” iti(1) kalpatarukārāḥ | idaṃ ca bālakasya candratārānukūle śubhadine kāryyam | atra dinasya aniyatatvāt caturthamāse yathāsambhavaṃ kāryyatvāt | evamannaprāśane'pi bodhyam | cūr̤ādike tu varṣamadhye śubhadine iti bodhyam | iti vahirniṣkramaḥ | athānnaprāśanam | ṣaṣṭhe'nnaprāśanaṃ māsi | “yattu samvatsare'nnaprāśanam” iti śaṃkhalikhitavacanam, tat guṇaphalaviṣayaṃ iti kalpatarukārāḥ | ityannaprāśanam