Kalasara 8.p31

8.p31

“na varddhayedaghāhāni” dūtyanena niṣiddhatvāt vaikalpikāni yathādeśācāraṃ vyavasthitānīti nāsmaddeśe vicāryante | atikrānte daśāhe tu trirācamaśacirbhavet | ityādimanvādyuktamapi asmaddeśe samācārābhāvāt na vyavasthāpyate | ataeva vijñāneś‍varairnānādivasaśodhakavākyānyudāhṛtya” “samācārābhāvānna vyavasthāpyate” ityuktam | antaraṅgaguṇavadbhāvena śuddhivicāro na kalpavatītyapyāṅaḥ | atha sajātīyaviṣaye uśanāḥ,– svalpāśaucasya madhye tu dīrghāśaucaṃ bhavedyadi | na ca pūrveṇa śuddhiḥ syāt svakālenaiva śudhyati || vṛddhamanurapi,– guruṇā laghu bādhyeta laghunā naiva tadguruḥ | ataeva alpakālīnamaraṇāśaucasya dīrghakālīnasūtakaṃ bādhakam | iti hāralatākṛtā yaduktaṃ tannādeyamiti | tayorvijātīyatvāt mṛtervvaśauyastvācca | aṅgirāḥ,– anirdaśāhe maraṇe paścāt syānmaraṇaṃ yadi | pretamuddiśya karttavyaṃ tatrāśaucaṃ svabandhubhiḥ || devalaḥ,– maraṇotpattiyoge tu garīyo maraṇaṃ bhavet | ṣaṭtriṃśanmate,– śāvena śudhyate sūtirna sūtiḥ śāvaśodhinī | bṛhaspatiḥ,– sūtakāt dviguṇaṃ śāvaṃ śāvāt dviguṇamārttavam || ārttavāt dviguṇā sūtistato'dhikvadāhakaḥ || śavadāhako dāhapradipretakarmakarttā putrādanyo'pītyarthaḥ| pūrvasmāduttarottaramaśaucaṃ balavadityarthaḥ | tato'pīti pāṭhe sūtito'pītyarthaḥ | vṛddhamanuḥ,– grāvasyopari grāve tu sūtakopari sūtake | śeṣādgobhirbhavet śuddhirudakyāṃ sūtikāṃ vinā || śrīrāmāyaṇe sītāṃ prati, anusūyāvākyam,– nātoviśiṣṭaṃ paśyāmi bāndhavaṃ vai kulastriyāḥ | patirvandhurgatirbharttā daivataṃ gururevacaḥ