Kalasara 8.p32

8.p32

pitrormṛtyuṃ daśāhātparamapi śṛṇuyāddūrago'pyātmajaścet snātvopoṇyārdravāsāstadavadhi ca daśāhānyaśaucau niyamya | nityaṃ snātvāmbu dadyādatha na yadi kṛtaṃ pretapiṇḍādyatīte 'pyabde kuryyādaśauce sthitavati vidite śeṣaghasrairviśudhyet || pitrorāśaucamādyaṃ paramapi sakalāśaucasaṃśodhakaṃ syāt tatrādau mātṭamṭatyāṃ pituruparitane nāpyaśaucena śuddhiḥ | tātasyaikādaśāhe bhavati tadubhayoḥ sarvvamekādaśāhoktaṃ karmārtho tayoḥ svasmṛtitithidinādyeva karmāparaṃ syāt || mātā tātāghamadhye yadi bhavati mṛtā tatsamāptādaśāhāntaṃ sarvaṃ karma varmuddeśadinaparataḥ pakṣiṇau varddhayitvā | tatrādyatrīn dvitīye'haniṃ ca vitanuyāt saptapiṇḍānathāsyāḥ, pitrorekādaśāhoditavidhimaparāhne paraṃ khasvamṛvyoḥ || madhye'bdaṃ cedimātuḥ maraṇanigamanaṃ majjanaṃ sopavāsaḥ putrasya syādaśaucaṃ daśadivasamatīte tu varṣe trirātram | pakṣiṇyantarniśaikābhita ubhayadine cāharuktaṃ trisandhyaṃ, yāvat sūryyodayaṃ yanniśi mṛtakarajaḥsūtayo'hastadekam