Bhuvanadipa 4.136

4.136

lagneśavale balaṃ prāhurdevajñāḥ | spaṣṭārtho yadā vastuna adhiṣṭhātā graho balahīno
bhavati tadā lagneśasya balaṃ vicāryam
keṣāṃ vastūnāṃ kaḥ svāmīti nirṇetuṃ granthāntarāt prastūyate—
rasānāṃ tu prabhuḥ somaḥ sasyānāṃ ca bṛhaspatiḥ
ādhātā ca vidhātā ca bhūtānāṃ bhārgavaḥ smṛtaḥ
kaṅgukodravamāṣāṇāṃ tilānāṃ lavaṇasya ca
sarveṣāṃ kṛṣṇavastūnāṃ prabhureva śanaiścaraḥ
svarṇādeḥ pītadhānyasya yavagodhūmasarpiṣām
śālīkṣūṇāṃ ca sarveṣāṃ prabhureṣāṃ bṛhaspatiḥ
śukrastu sarvasasyānāṃ dvidlānāṃ budhaḥ smṛtaḥ
snehāṇāṃ ca rasānāṃ ca gandhādināṃ divākaraḥ
kośadhānyasya sarvasya cavalānāṃ ca maṅgalaḥ
ityevaṃ te grahāḥ sarve svāminaḥ sarvavastuṣu
evamevānyatrāpi grahadvārā vastuno vicāro labhyate
krayāṇakānāṃ pṛcchāyāṃ saumyā jñeyā mahātmabhiḥ
samarghaṃ sabale lagne maharghamabale punaḥ