Bhuvanadipa 4.165

4.165

atra kecana viśeṣapraśnā granthādanyasmād udāhṛtya prastūyante—
lagnādhipe hyavinaṣṭe na bubhukṣā bhaumasūryayoḥ
asakṛcchidre candrasitau cetsahajotisāra ākhyātaḥ
chidre bhaumārkī cedrudhirodrekaśca pittodrekaḥ
sitabhaumau balahīnau sakrūraśanirvividharogaḥ
sannipātarujaṃ kuryātsakrūraśced bṛhaspatiḥ
strīpraśne chidrage bhaume vinaṣṭaṃ yonidūṣaṇam
śatrupraśne tu ṣaṣṭheśo mūrtī bastividhustathā
yadyanyaḥ ṣaṣṭhabhaḥ kheṭaḥ śatroḥ pakṣakaraḥ sa tu
atra bhāṭakapṛcchāyāṃ lagneśo bhāṭakapradaḥ
saptago bhāṭakagrāhī bhāṭakotpattikṛnnabhaḥ
caturthamavasānaṃ syādeṣu saumyagrahaiḥ śubham
vyaste vyastaṃ suhṛcchatrumavasthityādyasarvataḥ
turyaṃ paśyati turyapo'sti nihitaṃ krūre'pi tasminbhave
cenna prāptiḥ khalu khecare ca sadadhiṣṭhānaṃ tadindau sthite
svāmiprekṣaṇavarjite'pi ca tadastitvaṃ na tadvārṣike
lābhaścandrayugīkṣaṇena rahitaṃ pūrṇaṃ ca candrekṣaṇam