Bhuvanadipa 4.916

4.916

dīptiḥ—rogiṇo jīvanamaraṇapṛcchāyāṃ yadi smare saptame, vyaye dvādaśe,
dhane dvitīye, krūre pāpagrahayute, eteṣu sthāneṣu kaścit krūra graho bhavati, evañca lagne
mūrttau, mṛtyau randhre, ripau ṣaṣṭhe, śaśī candro bhavati tadā sadyaḥ śīghrameva mṛtyukaro
yogo mṛtyukārako yogo jāyate | athavā vikalpo'yaṃ yat candrapārśvage candramasaḥ
samīpasthe krūre'pi mṛtyuyogo bhavati | rogiṇo jīvanamaraṇapṛcchāyāṃ yadi candraḥ
krūrākrānto bhavati tadāpi mṛtyukaro yogaḥ samutpadyate | lagnād vayaḥ pramāṇaṃ, kaṣṭaṃ,
śārīrikaṃ sukhaduḥkhādikañca vicāryate | saptamasthānāt kaścid graho lagnaṃ
vilokayati | atastasya śubhāśubhaṃ phalaṃ rogiṇaḥ sukhāya kaṣṭāya vā bhavati
dhanasthānaṃ mārakasthānaṃ bhavati | vyayasthānādapi duḥkhādikaṃ jñāyate
ṣaṣṭhasthānādripukaṣṭayorvicāro bhavati, evameva aṣṭamasthānādapi—
‘naṣṭe dṛṣṭe raṇe vyādhau chidre chidraṃ nirīkṣayet’ iti | ato rogiṇo
maṅgalapṛcchāyāmetāni sthānāni vicārasaraṇau samāyānti | maraṇapraśne candrasya
mahattvamupavarṇayan praśnabhūṣaṇakāro'pi kathayati—
praśnalagnopagaṃ pāpabhaṃ rogiṇaḥ
pāpayuktekṣitaṃ cāṣṭamarkṣaṃ yadā
pāpayorantare pāpayukto'ṣṭame
candramāḥ mṛtyuyogo bhavetsatvaram || iti
gu. 3 1 11
ke. 4 10 rā.
5 sū.bu.maṃ. 7 śu.śa.
6 8 ke.
lag‍ne raviḥ smare candro bhavedyogo'yameva hi
eteṣu rogiṇo mṛtyuḥ sadyastvanyasya cāpadaḥ