Matsya 74
Matsya 74
- Language
- Sanskrit
Contents
- 74.20 — 1 part
74.1
brahmovāca || || bhagavanbhavasaṃsārasāgarottārakāraka || kiñcidvrataṃ samācakṣva svargā rogyasukhapradam
74.2
īśvara uvāca || || sauraṃ dharmaṃ pravakṣyāmi nāmnā
kalyāṇasaptamīm || viśokasaptamīṃ tadvat phalāḍhyāṃ pāpanāśinīm
74.3
śarkarāsaptamīṃ puṇyāṃ tathā kamalasaptamīm || mandārasaptamīṃ tadvacchubhadāṃ
śubhasaptamīm
74.4
sarvvānantaphalāḥ proktāḥ sarvvā devarṣipūjitāḥ || vidhānamāsāṃ vakṣyāmi yathāvadanupūrvvaśaḥ
74.5
yadā tu śuklasaptamyāmadityasya
dinaṃ bhavet || sā tu kalyāṇinī nāma vijayā ca nigadyate
74.6
prātargavyena payasā snānamasyāṃ samācaret || tataḥ śuklāmbaraḥ padmamakṣatābhiḥ prakalpa
yet
74.7
prāṅmukho'ṣṭadalaṃ madhye tadvadvṛttāñca karṇikām || puṣpākṣatābhirdeveśaṃ vinyaset sarvvataḥ kramāt
74.8
pūrveṇa tapanāyeti mārttaṇḍāyeti cānale
yāmye divākarāyeti vidhātra iti nairṛte
74.9
paścime varuṇāyeti bhāskarāyeti cānile || saumye vivarttanāyeti ravaye cāṣṭame dale
74.10
ādāvante ca madhye ca namo'stu paramātmane || mantrairebhiḥ samabhyarcya namaskārāntadīpitaiḥ
74.11
śuklavastraiḥ phalairbhakṣyairdhūpamālyānulepanaiḥ
sthaṇḍile pūjayedbhaktyā guḍena lavaṇena ca
74.12
tato vyāhṛtimantreṇa visarjyedvijapuṅgavān || bhaktitaḥ pūjayedbhaktyā guḍakṣīraghṛtādibhiḥ || tila
pātraṃ hiraṇyañca brāhmaṇāya nivedayet
74.13
evaṃ niyamakṛt suptvā prātarutthāya mānavaḥ || kṛtasnānajapo vipraiḥ sahaiva ghṛtapāyasam
74.14
bhuktvā ca vedaviduṣe biḍālavratavarjjite || ghṛtapātraṃ sakanakaṃ sodakumbhaṃ nivedayet
74.15
prīyatāmatra bhagavān paramātmā divākaraḥ || anena
vidhinā sarvva māsi māsi vrataṃ caret
74.16
tatastrayodaśe māsi gā vai dadyāt trayodaśa || vastrālaṅkārasaṃyuktāḥ suvarṇākhyāḥ payasvinīḥ
74.17
ekāmāpa pradyādvā vittahīno vimatsaraḥ || na bittaśāṭhyaṃ kurvvīta yato mohāt patatyadhaḥ
74.18
anena vidhinā
yastu kuryātkalyāṇasaptamīm || sarvvapāpavinirmuktaḥ sūryyaloke mahīyate || āyurārogyamaiśvaryyamanantamiha jāyate
74.19
sarvvapāpaharā
nityaṃ sarvvadaivatapūjitā || sarvvaduṣṭopaśamanī sadā kalyāṇasaptamī
74.20
imāmannantaphaladāṃ yastu kalyāṇasaptamīm || śṛṇoti paṭhate
ceha sarvvapāpaiḥ pramucyate
74.20.p1
iti śrīmātsye mahāpurāṇe kalyāṇasaptamīvrataṃ nāma catuḥsaptatitamo'dhyāyaḥ
Linked texts (3)
- Matsyapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Vratakāṇḍa — Lakṣmīdhara, Sanskrit