Matsya 76

cha || || īśvara uvāca
anyāmapi pravakṣyāmi nāmnā tu phalasaptamīm || yāmupoṣya naraḥ pāpādvimuktaḥ svargabhāgbhavet

mārgaśīrṣe śubhe māsi saptamyāṃ niyata
vrataḥ || tāmupoṣyātha kamalaṃ kārayitvā tu kāñcanam

śarkarāsaṃyutaṃ dadyādbrāhmaṇāya kuṭumbine || raviṃ kāñcanakaṃ kṛtvā palasyaikasya dharmmavit
dadyāddhikālavelāyāṃ bhānurme prīyatāmiti

bhaktyā tu viprānsampūjya cāṣṭamyāṃ kṣīrabhojanam || dattvā kuryyātphalayutaṃ yāvatsyātkṛṣṇasaptamī

tāmapyupoṣya vidhivadanenaiva krameṇa tu || tadvadvaimaphalaṃ dattvā suvarṇakamalānvitam

śarkarāpātrasaṃyuktaṃ vastramālyasamanvitam || saṃvatsarañca
tenaiva vidhinobhayasaptamīm

upoṣya dattvā kramaśaḥ sūryyamantramudīrayet || bhānurarko ravirbrahmā sūryyaḥ śakro hariḥ śivaḥ || śrīmānvibhāvasustvaṣṭā
varuṇaḥ prīyatāmiti

pratimāsañca saptamyāmaikaikaṃ nāma kīrttayet || pratipakṣaṃ phalatyāgametatkurvvansamācaret

vratānte vipramithunaṃ pūja
yedvastrabhūṣaṇaiḥ|| śarkarākalaśaṃ dadyāddhemapadmadalānvitam

yathā na viphalā kāmāstvadbhaktānāṃ sadā rave || tathānantaphalāvāptirastu me saptajanmasu

imāmanantaphaladāṃ yaḥ kuryyātphalasaptamīm || sarvvapāpaviśuddhātmā sūryyaloke mahīyate

surāpānādikaṃ kiñcidyadatrāsutra vā kṛtam || tatsarvvaṃ
nāśamāyāti yaḥ kuryyātphalasaptamīm

kurvvāṇaḥ saptamīñcemāṃ satataṃ rogavarjitaḥ || bhūtānabhvyāṃśca puruṣāṃstārayedekaviṃśatim || yaḥ śṛṇoti
paṭhedvāpi so'pi kalyāṇabhāgbhavet

iti śrīmātsye mahāpurāṇe phalasaptamīvrataṃ nāma ṣaṭsaptatitamo'dhyāyaḥ

Linked texts (4)