Suryasiddhanta 3.22

Gūḍhārthaprakāśaka 3.22

Language: Sanskrit

3.22

sūryakrāntijyā akṣakarṇaguṇitā śaṅkujīvayā śaṅkurdvādaśāṅgalarūpā jyā tayetyarthaḥ | dvādaśabhiriti phalitam | bhaktā phalaṃ sūryasyāgrā | upalakṣaṇādgrahasyāpi | iyamagrā svābhimatakālikacchāyākarṇena guṇitā madhyakarṇoddhṛtā karṇasya vyāsasya madhyamardhamiti madhyakarṇo vyāsārdhaṃ trijyā tayetyarthaḥ | pūrvāparaprathamacaramajaghanyasamānamadhyamadhyamavīrāśceti sūtreṇa madhyapadasya pūrvanipātaḥ | bhaktā phalaṃ svakā svakarṇāgrā syāt | atropapattiḥ | krāntijyonmaṇḍale koṭiragrā kṣitije karṇaḥ kujyābhuja ityakṣakṣetre dvādaśakoṭyavakṣakarṇaḥ karṇastadā krāntijyākoṭau kaḥ karṇa ityanupātenāgrā | trijyāvṛtta iyaṃ karṇavṛtte ketyanupātena karṇavṛttāgretyupapannam |
atha bhujānayanaṃ ślokābhyāmāha |

Previous: 3.21
Next: 3.24
Up: 3

Linked texts (1)

Sūryasiddhānta — Maya, Sanskrit