Karanakaustubha 9_26

9_26

etāvataivaṃ sthūlamānato jñāyate yadetadgranthasya racanāsaraṇī grahalāghavānusāriṇīti .
yato'yaṃ kṛṣṇadaivajño granthārambhe granthanirvighnaparisamāptipracārādipratibandhaka duritopaśamāya vande keśavadaivajñasārvabhaumapadāmbujamiti jyotirvitsārvabhaumakeśavadaivajñacaraṇāravindavandanarūpaṃ maṅgaḻamācarati tato grahalāghavakārasya gaṇeśadaivajñasya pitari keśavadaivajñaviṣaye'tīvā''darabhāvaṃ bhajata ityanumīyate . tataśva keśavadaivajñapraṇītajyotirgrantheṣvapi
ādarabhāgayamityuktirapi punaruktireveti . karaṇakaustubhanāmni etasmiñjyotirgranthe'nena
granthakartrā gaṇitārambhapravartakaṃ varṣamānaṃ pañcarṣibhūtabhūmitaṃ (1575 ) parigṛhītaṃ tathā
kṣepakāṅkāścāpi tadvarṣīyameṣasaṃkramaṇakālasaṃbhavā nirdiṣṭāḥ . paraṃ cetaratra kvāpi jyotirgrantheṣu dṛṣṭipathamanavataran kaścidviśeṣo'tra pratipāditaḥ . sa yathā-saptarṣīṇāṃ kṣepakāṅkān 6 rā0 11 aṃ0 30 ka. parimitānnirdiśya teṣāmṛṣīṇāṃ vārṣikī gatiraṣṭau
kalāḥ (8 ka.) arthādekasminvarṣaśatake ekanakṣatraparimitetyacakathat . tadidaṃ saptarṣikāḻaparigaṇanaṃ kāśmīrākhyakṣetravarjamitaratra pradeśe kutrāpi kenāpi nāṅgīkṛtaṃ dṛśyate nāpi vā
[ 3 ..