Upapattishekhara 28.0.3

28.0.3

vidhurvibhinno'sti tathātathā tadbimbaṃ bhavecchuklamidaṃ hi pūrṇam
syāt pūrṇimānte tvatha tantribhe'rkāccirantanāyāḥ kathayanti cārdham
naivaṃ navīnāstu yato'rkakakṣāturrye vicandraśravaṇāntare hi
deśe bhavettiryagino yato'bjāt
pādonaṣaṭkāṣṭhalavāntare'naḥ
dalaṃ nṛdṛśyasya dalasya śuklamatrāpi sūkṣmaṃ vadatāṃ mate tu
ardhādhikatvācca sitasya samyag
dalaṃ na śuklaṃ naradṛgjavimbe ||” iti ca
vimbasya dṛśyabhāgadarśanārthaṃ kṣetram (68)
ataeva tattvaviveke"athaikanetradṛṣṭyā tu golo yo dṛśyate'mbare
tadardhālpaṃ sadā dṛśyaṃ dṛṣṭi sūtrāntarasthitam
netrāntarasamo vyāso yasya golasya tasya tu
ardhamālokyate kecidityūcurnayanadvayāt
tatrāpyekākṣijādhardhālpavaśena nayanadvayāt
naiva paśyati golārdhaṃ samyagitthaṃ tu manmatam
yathā yathā dūragato golastasya tathā tathā
dṛśyatetvadhiko bhāgaḥ paraṃ tvardhālpako hi saḥ
evaṃ tannikaṭasthe tu jñeyastadvaiparītyataḥ
sthūlatvaṃ cāṇubimbatvaṃ dṛśyate yacca tacchṛṇu
netragolakakendrotthadṛṣṭisūtrāṇi dehinām
vastugrahaṇaśaktāni tadantarbimbagolakaḥ
dṛśyastadvyāsamānaṃ tu dṛṣṭisūtrāntaraṃ khalu
yathā yathā dūragato bimbagolastathā tathā
dṛṣṭisūtrāntaraṃ cālpaṃ nikaṭe tvadhikaṃ bhavet
svīyadṛggolavṛtte syāt tenāṇusthūlabimbatā
dṛṣṭisūtrāntare bimbaṃ dṛśyate netragolake
saṃkocatastayoḥ svalpamasaṅkoce'dhikaṃ hyataḥ
sthūlatvāṇutvabhedohi vimbe'sti trividhaḥsadā
dṛgdūrāsannabhāvena caikastadvad dvitīyakaḥ
khamadhyodayabhedena jyotirhagdoṣatastathā
tṛtīyaśceti tajjñānaṃ savāsanamudīritam ||" iti