Arthavinishcayasutra 12
Arthaviniścayasūtra 12
- Language
- Sanskrit
12
(ī) vijñānapratyayaṃ nāmarūpamiti | tatra nāmarūpam - nāma catvāro 'rūpiṇaḥ skandhāḥ | katame catvāraḥ? vedanāskandhaḥ | saṃjñāskandhaḥ | saṃskāraskandhaḥ | vijñānaskandhaḥ | idaṃ (AvSū, Vaidya 313) nāma | rūpaṃ katamat? yatkiṃcidrūpam, taccatvāri mahābhūtāni | catvāri ca mahābhūtānyupādāya | tadyathā - pṛthivīdhātuḥ | abdhātuḥ | tejodhātuḥ | vāyudhātuḥ || pṛthivīdhātuḥ katamaḥ? yadgurutvaṃ ca karkaśatvaṃ ca | abdhātuḥ katamaḥ? yad dravatvamabhiṣyandanatvaṃ ca | tejodhātuḥ katamaḥ? yaduṣṇatvaṃ paripācanatvaṃ ca | vāyudhātuḥ katamaḥ? yadākuñcanaḥ prasāraṇaḥ laghusamudīraṇatvaṃ ca | yadidaṃ rūpaṃ pūrvakaṃ (ca) nāma, tadubhayamekatrābhisaṃkṣipya nāmarūpamityucyate ||
Linked texts (5)
- Nidānasaṃyukta — Sanskrit
- Pratītyasamutpādavibhaṅgasūtra — Sanskrit
- དོན་རྣམ་པར་ངེས་པ་ཞེས་བྱ་བའི་ཆོས་ཀྱི་རྣམ་གྲངས — Classical Tibetan
- Pratītyasamutpādādivibhaṅganirdeśasūtra — Sanskrit
- Two Brick Inscriptions from Nalanda (Brick B, with variants of Brick A) — Sanskrit