Ayuhparyantasutra 3.37

3.37

Āps 30. yāni bhikṣavo manuṣyāṇām aṣṭau (GBM 1696.1) varṣaśatāni tāni nirmāṇaratīnāṃ devānām ekaṃ rātriṃdivasaṃ, tena rātriṃdivasena triṃśad rātrakeṇa māsena, dvādaśa māsakena saṃvatsareṇa, tayā saṃvatsaragaṇanayā divyāni aṣṭau varṣasahasrāṇi (GBM 1696.2) nirmāṇaratīnāṃ devānām āyuṣaḥ pramāṇaṃ. tad bhavati mānuṣikayā gaṇanayā triṃśad uttare dve varṣakoṭiśate catvāriṃśac ca varṣaśatasahasrāṇy āyuṣaḥ pramāṇam, (GBM 1696.3) asty antareṇa kālakriyā.
Āps 31. tad bhavati mahāraurave mahānarake ekaṃ rātriṃdivasaṃ, tena rātriṃdivasena triṃśad rātrakeṇa māsena, dvādaśa māsakena saṃvatsareṇa, tayā (GBM 1696.4) saṃvatsaragaṇanayā aṣṭau varṣasahasrāṇi mahāraurave mahānarake nārakāṇāṃ satvānām āyuṣaḥ pramāṇaṃ. tad bhavati mānuṣikayā gaṇanayā ṣaṭṣaṣṭi varṣakoṭīkoṭyaḥ (GBM 1696.5) paṃcatriṃśac ca varṣakoṭīśatasahasrāṇi dvāpaṃcāśac ca varṣakoṭīsahasrāṇy āyuṣaḥ pramāṇam, asty antareṇa kālakriyā.
Āps 32. atha bhagavāṃs tasyāṃ velāyāṃ gāthā bhāṣate.
dṛṣṭīgahanasaṃcchannā tṛṣṇācchandanacchāditā /
pāpadharmasamācārā mahārauravagāmina // 37