Pramāṇa · Search · About · API

Udanavarga 18: 18 puṣpavarga

Sanskrit text (after Bernhard 1965; input M. Tokunaga) 18

Language
Sanskrit

18 puṣpavarga

18.1

ka;imām pṛthivīm vijeṣyate yama lokam ca tathā sadevakam /
ko dharma padam sudeśitam kuśalaḥ puṣpam iva praceṣyate //

18.2

śaikṣaḥ pṛthivīm vijeṣyate yama lokam ca tathā sadevakam /
sa hi dharma padam sudeśitam kuśalaḥ puṣpam iva praceṣyate //

18.3

vanam chindata mā vṛkṣam vanād vai jāyate bhayam /
chittvā vanam samūlam tu nirvaṇā bhavata bhikṣavaḥ //

18.4

na chidyate yāvatā vanam hy anumātram api narasya bandhuṣu /[.aṇu mātram.]?
pratibaddha manāḥ sa tatra vai vatsaḥ kṣīrapaka;iva mātaram //

18.5

ucchinddhi hi sneham ātmanaḥ padmam śāradakam yathā udakāt /
śānti mārgam eva bṛṃhayen nirvāṇam sugatena deśitam //

18.6

yathā api ruciram puṣpam varṇavat syād agandhavat /
evam subhāṣitā vācā niṣphalā asāv akurvātaḥ //

18.7

yathā api ruciram puṣpam varṇavat syāt sugandhavat /
evam subhāṣitā vācā saphalā bhavati kurvataḥ //

18.8

yathā api bhramaraḥ puṣpād varṇa gandhāv aheṭhayan /
paraiti rasam ādāya tathā grāmān muniś caret //

18.9

na pareṣām vilomāni na pareṣām kṛta akṛtam /
ātmanas tu samīkṣeta samāni viṣamāni ca //

18.10

yathā api puṣpa rāśibhyaḥ kuryān mālā guṇān bahūn /
evam jātena martyena kartavyam kuśalam bahu //

18.11

varṣāsu hi yathā puṣpam vaguro vipramuñcati /[.vāguro.]?
evam rāgam ca doṣam ca vipramuñcata bhikṣavaḥ //

18.12

yathā saṃkāra kūṭe tu vyujjhite hi mahā pathe /
padmam tatra tu jāyeta śuci gandhi mano ramam //

18.13

evam saṃkāra bhūte asminn andha bhūte pṛthag jane /
prajñayā vyatirocante samyak sambuddha śrāvakāḥ //

18.14

puṣpāṇy eva pracinvantam vyāsakta manasam naram /
suptam grāmam mahaughaiva mṛtyur ādāya gacchati //
...............................................naram /
suptam grāmam mahaughaiva mṛtyur ādāya gacchati //

18.15

puṣpāṇy eva pracinvantam vyāsakta manasam naram /
atṛptam eva kāmeṣu tv antakaḥ kurute vaśam //

18.16

puṣpāṇy eva pracinvantam vyāsakta manasam naram /
anutpanneṣu bhogeṣu tv antakaḥ kurute vaśam //

18.17

kumbha upamam kāyam imam viditvā marīci dharmam paribudhya caiva /
chittvā iha mārasya tu puṣpakāṇi tv adarśanam mṛtyu rājasya gacchet //

18.18

phena upamam kāyam imam viditvā marīci dharmam paribudhya caiva /
chittvā iha mārasya tu puṣpakāṇi tv adarśanam mṛtyu rājasya gacchet //

18.19

kumbha upamam lokam imam viditvā marīci dharmam paribudhya caiva /
chittvā iha mārasya tu puṣpakāṇi tv adarśanam mṛtyu rājasya gacchet //

18.20

phena upamam lokam imam viditvā marīci dharmam paribudhya caiva /
chitttvā iha mārasya tu puṣpakāṇi tv adarśanam mṛtyu rājasya gacchet //

18.21

yo na adhyagamad bhaveṣu sāram buddhvā puṣpam udumbarasya yadvat /
sa tu bhikṣur idam jahāty apāram hy urago jīrṇam iva tvacam purāṇam //
yo rāgam udācchinatty aśeṣam bisa puṣpam iva jaleruham vigāhya /
sa tu bhikṣur idam jahāty apāram hy urago jīrṇam iva tvacam purāṇam //
yo dveṣam udāchinatty aśeṣam bisa puṣpam iva jaleruham vigāhya /
sa tu bhikṣur idam jahāty apāram hy urago jīrṇam iva tvacam purāṇam //
yo moham udāchinatty aśeṣam bisa puṣpam iva jaleruham vigāhya /
sa tu bhikṣur idam jahāty apāram hy urago jīrṇam iva tvacam purāṇam //
yo mānam udāchinatty aśeṣam bisa puṣpam iva jaleruham vigāhya /
sa tu bhikṣur idam jahāty apāram hy urago jīrṇam iva tvacam purāṇam //
yo lobham udāchinatty aśeṣam bisa puṣpam iva jaleruham vigāhya /
sa tu bhikṣur idam jahāty apāram hy urago jīrṇam iva tvacam purāṇam //
tṛṣṇām ya;udāchinatty aśeṣam bisa puṣpam iva jaleruham vigāhya /
sa tu bhikṣur idam jahāty apāram hy urago jīrṇam tva tvacam purāṇam //

Linked texts (2)