Pramāṇa · Search · About · API

Udanavarga 21: 21 tathāgata.varga

Sanskrit text (after Bernhard 1965; input M. Tokunaga) 21

Language
Sanskrit

21 tathāgata.varga

21.1

sarva abhibhūḥ sarvavid eva ca asmi sarvaiś ca dharmaiḥ satatam na liptaḥ /
sarvam jahaḥ sarva bhayād vimuktaḥ svayam hy abhijñāya kam uddiśeyam //

21.2

kam uddiśeyam tv asamo hy atulyaḥ svayam pravaktā hy adhigamya bodhim /
tathāgato deva manuṣya śāstā sarvajñatām prāpya balair upetaḥ //

21.3

aham hi lokeṣv arahann aham lokeṣv anuttaraḥ sadevakeṣu lokeṣu ca aham māra abhibhūr jinaḥ //

21.4

ācāryo me na vai kaścit sadṛśas ca na vidyate /
eko asmin loke sambuddhaḥ prāptaḥ sambodhim uttamām //

21.5

jinā hi mādṛśā jñeyā ye prāptā hy āsrava kṣayam /
jitā me pāpakā dharmās tato aham upagā jinaḥ //

21.6

bārāṇasīm gamiṣyāmi haniṣye amṛta dundubhim /
dharma cakram pravartayiṣye lokeṣv aprativartitam //

21.7

na hi santaḥ prakāśyante viditvā loka paryāyam /
ādeśayanto virajaḥ padam śānta manīṣiṇaḥ //

21.8

nadanti iha mahā vīraḥ sad dharmeṇa tathāgatāḥ /
dharmeṇa nadamānānām ke tv asūyed vijānakāḥ //

21.9

ye dhyāna prasṛtā dhīrā naiṣkramya upaśame ratāḥ /
devā api spṛhayanty eṣām buddhānām śrīmatām sadā //

21.10

teṣām devā manuṣyāś ca sambuddhānām yaśasvinām /
spṛhayanty āśu buddhīnām śarīra antima dhāriṇām //

21.11

ye ca abhyatītāḥ sambuddhā ye ca buddhā hy anāgatāḥ /
yaś ca apy etarhi sambuddho bahūnām śoka nāśakaḥ //

21.12

sarve sad dharma guravo vyāhārṣu viharanti ca /
atha api vihariṣyanti;eṣā buddheṣu dharmatā //

21.13

tasmād iha ātma kāmena māhātmyam abhikāṅkṣatā /
sad dharmo guru kartavyaḥ smaratā buddha śāsanam //

21.14

na śraddhāsyanti vai ye tu narā buddhasya śāsanam /
vyasanam te gamiṣyanti vaṇijo rākṣasīṣv iva //

21.15

śraddhāsyanti tu ye nityam narā buddhasya śāsanam /
svastinā te gamiṣyanti vālāhena eva vāṇijāḥ //

21.16

tathāgatam buddham iha svayambhuvam dvau vai vitarkau bahulam samudācarete /
kṣemas tathaiva praviveka yuktas tamo nudam pāra gatam maharṣim //

21.17

prāptaḥ sa ca āryo vaśitām aśeṣām viśva uttaraḥ sarva bhayād vimuktaḥ /
tṛṣṇā prahīṇo vimalo nirāśaś ca ālokayan loka hitāya sattvān //

21.18

śaile yathā parvata mūrdhani sthito yathā eva paśyej janatām samantāt /
tathā hy asau dharma mayam sumedhāḥ prāsādam āruhya samanta cakṣuḥ /
śoka abhibhūtām janatām aśoko adrākṣīd imām jāti jarā abhibhūtām //

Linked texts (5)