Udanavarga 22: 22 śrutavarga
Sanskrit text (after Bernhard 1965; input M. Tokunaga) 22
- Language
- Sanskrit
22 śrutavarga
22.1
sādhu śrutam sucaritam sādhu ca apy aniketatā /
pradakṣiṇam pravrajyā ca śrāmaṇyasya anulomikam //
22.2
bālā;iha avijānantaś caranti hy amarā;iva /
vijānatām tu sad dharmam āturasya eva śarvarī //
22.3
yathā hy agāram succhannam praviśya tamasā sphuṭam /[.su chhannam.]
vidyamānāni rūpāṇi cakṣuṣmān hi na paśyati //
22.4
tathaiva iha naro nityam jñānavān api yo bhavet /
aśrutvā na vijānāti dharmān kalyāṇa pāpakān //
22.5
pradīpena tu rūpāṇi cakṣuṣmān paśyate yathā /
evam śrutvā vijānāti dharmān kalyāṇa pāpakān //
22.6
śrutvā dharmān vijānāti śrutvā pāpam na sevate /
śrutvā hy anartham varjayate śrutvā prāpnoti nirvṛtim //
22.7
bahu śruto api ced bhavati śīleṣu tv asamāhitaḥ /
śīlatas tam vigarhanti na asya sampadyate śrutam //
22.8
alpa śruto api ced bhavati śīleṣu susamāhitaḥ /
śīlatas tam praśaṃsanti tasya sampadyate śrutam //
22.9
alpa śruto api ced bhavati śīleṣu tv asamāhitaḥ /
ubhayatas tam vigarhanti na asya sampadyate vratam //
22.10
bahu śruto api ced bhavati śīleṣu susamāhitaḥ /
ubhayatas tam praśaṃsanti tasya sampadyate vratam //
22.11
bahu śrutam dharma dharam prājñam nityam samāhitam /
niṣkam jāmbunadasya eva kas tam ninditum arhati //
22.12
ye me rūpeṇa minvanti ye me ghoṣeṇa ca anvagāḥ /
chanda rāga vaśa upetā na mām jānanti te janāḥ //
ye rūpeṇa pramiṇvanti mām ghoṣeṇa anuyānti ca /
chanda rāga vaśa upetā na mām jānanti te janāḥ //
22.13
ādhyātmam ca na jānāti bahirdhā tu vipaśyati /
bahirdhā phala darśī tu sa vai ghoṣeṇa nīyate //
22.14
ādhyātmam tu prajānāti bahirdhā ca na paśyati /
ādhyātma phala darśī tu sa vai ghoṣeṇa nīyate //
22.15
ādhyātmam ca na jānānti bahirdhā ca na paśyati /
ubhaye aphala darśī tu sa vai ghoṣeṇa nīyate //
22.16
ādhyātmam ca prajānāti bahirdhā ca vipaśyati /
sa tu nihsaraṇa prajño na vai ghoṣeṇa nīyate //
22.17
bahu śṛṇoti śrotreṇa bahū paśyati cakṣuṣā /
na tad dṛṣṭam śrutam dhīraḥ sarvam śraddhātum arhati //
śrotreṇa śrūyate bahu dṛśyate bahu cakṣuṣā /
na tad dṛṣṭam śrutam dhīraḥ sarvam śraddhātum arhati //
22.18
vijñāna sārāṇi subhāṣitāni jñātam śrutam caiva samādhi sāram /
na tasya vijñāna śrutam mahā artham yaḥ sāhaso bhavati naraḥ pramattaḥ //
22.19
dharme tu ye hy ārya nivedite ratās tadā carante vacasā yadā āhuḥ /
te kṣānti sauratya samādhi gocarāḥ śrutasya buddher api sāram adhyaguḥ //
Linked texts (3)
- Ched du brjod pa'i tshoms (Kangyur, Toh 326) — Classical Tibetan
- ཆེད་དུ་བརྗོད་པའི་ཚོམས — Classical Tibetan
- Śarīrārthagāthā — Sanskrit