The Flower Ornament Sūtra 31.35

31.35

པར་བྱ་བ་ལ་བརྩོན་པ་དང་། ས་ཡོངས་སུ་སྦྱོང་བའི་ཆོས་འདི་དག་ཡང་དག་པར་བླངས་ཏེ་གནས་པ་དེ་ལྟ་དེ་ལྟར་དེའི་དགེ་བའི་རྩ་བ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་པ་དེ་དག་དེ་བས་ཀྱང་ཤས་ཆེར་ཤིན་ཏུ་བྱང་བ་དང་། ཡོངས་སུ་དག་པ་དང་ལས་སུ་རུང་བར་འགྱུར་རོ། །ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། མགར་བ་མཁས་པས་གསེར་གྱི་ས་ལེ་སྦྲམ། ཇི་ལྟ་ཇི་ལྟར་མྱེར་བསྲེགས་པ་དེ་ལྟ་དེ་ལྟར་ཤིན་ཏུ་བྱང་ཞིང་ཡོངས་སུ་དག་པ་དང་། ཅི་དགར་ལས་སུ་རུང་བར་འགྱུར་རོ། །ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའ་རྣམས་ཇི་ལྟ་ཇི་ལྟར་སངས་རྒྱས་བཅོམ་ལྡན་འདས་རྣམས་ལ་མཆོད་པ་བྱེད་ཅིང་སེམས་ཅན་ཡོངས་སུ་སྨྱིན་པར་བྱ་བ་ལ་བརྩོན་པར་བྱེད་པ་དང་། ས་ཡོངས་སུ་སྦྱོང་བའི་ཆོས་ཀྱི་རྣམ་པ་འདི་ལྟ་བུ་དག་ཡང་དག་པར་བླངས་ཏེ་གནས་པ་དེ་ལྟ་དེ་ལྟར་དེའི་དགེ་བའི་རྩ་བ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་པ་དེ་དག་ཤིན་ཏུ་བྱང་བ་དང་། ཡོངས་སུ་དག་པ་དང་། ཅི་དགར་ལས་སུ་རུང་བར་འགྱུར་རོ། །ཀྱེ་རྒྱལ་བའི་སྲས་དག །གཞན་ཡང་ས་དང་པོ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོས་བྱང་ཆུབ་སེམས་དཔའི་ས་དང་པོ་དེ་ཉིད་ཀྱི་རྣམ་པ་དང་། འཐོབ་པར་བྱ་བ་དང་། རྒྱུ་མཐུན་པའི་འབྲས་བུ་སངས་རྒྱས་དང་། བྱང་ཆུབ་སེམས་དཔའ་དང་དགེ་བའི་བཤེས་གཉེན་ལས་ཡོངས་སུ་བཙལ་ཞིང་ཡོངས་སུ་དྲི་བར་བྱའོ། །སའི་ཡན་ལག་ཡོངས་སུ་བསྒྲུབ་པའི་ཕྱིར་ཡང་ངོམས་མྱི་ཤེས་པར་བྱས་ཏེ། དེས་བྱང་ཆུབ་སེམས་དཔའི་ས་དང་པོ་འདི་ལ་གནས་པའི་ཚེ། བྱང་ཆུབ་སེམས་དཔའི་ས་གཉིས་པ་དང་། གསུམ་པ་དང་། བཞི་པ་དང་། ལྔ་པ་དང་། དྲུག་པ་དང་། བདུན་པ་དང་། བརྒྱད་པ་དང་། དགུ་པ་དང་། བཅུ་པའི་རྣམ་པ་དང་། ཐོབ་པར་བྱ་བ་དང་། རྒྱུ་མཐུན་པའི་འབྲས་བུ་སངས་རྒྱས་དང་། བྱང་ཆུབ་སེམས་དཔའ་

Those roots of goodness, dedicated to omniscience, become even more purified and effective just as he wishes them to be.

“O jinaputras! By analogy, a skilled smith refines gold in fire so that it becomes purified and useful just as he wishes it to be.

“O jinaputras! In the same way, as the bodhisattva engages in making offerings to the buddha bhagavats and engages in ripening beings, he acquires the qualities of the purified bhūmi. Those roots of goodness, dedicated to omniscience, become even more purified and effective just as he wishes them to be.

“O jinaputras! Moreover, the bodhisattva mahāsattva who is on the first bodhisattva bhūmi investigates and questions the buddhas, bodhisattvas, and kalyāṇamitras about the features, attainments, and results of the first bodhisattva bhūmi. He is never content in perfecting the aspects of that bhūmi. In the same way, he investigates and questions the buddhas, bodhisattvas, and kalyāṇamitras about the features, attainments, and results of the second, third, fourth, fifth, sixth, seventh, eighth, ninth, and tenth bodhisattva bhūmis, and he is never content with accomplishing the various aspects of these ten.