Karunapundarikasutra 69

69

ལྷའི་བུ་ཡོངས་སུ་དགའ་ལྡན་དང་། ལྷའི་བུ་རབ་འཕྲུལ་དང་། ལྷའི་བུ་གཞན་འཕྲུལ་དབང་བྱེད་ཀྱང་བྲམ་ཟེ་དེ་ལྟ་བའི་ཕྱིར་འོངས་ནས། བྲམ་ཟེ་རྒྱ་མཚོའི་རྡུལ་གྱིས་དེ་དག་ལ་ཁྱེད་ཅག་སུ་ཡིན་ཞེས་དྲིས་པ་དང་། ལྷའི་རྒྱལ་པོ་ལྔ་པོ་དག་གིས་རང་རང་གི་མིང་རུས་བསྟན་ནས་འདི་སྐད་ཅེས་སྨྲས་སོ། །ཀྱེ་བྲམ་ཟེ་ཁོ་བོ་ཅག་ལ་བསྒོ་བ་ནི་ཅི་ཞིག་ཡོད། མཆོད་སྦྱིན་ཆེན་པོ་འདི་ལ་ཁོ་བོ་ཅག་གིས་ཡོ་བྱད་དག་སྦྱར་བར་བྱ་བ་ལྟ་ཅི་ཡོད། བྲམ་ཟེས་སྨྲས་པ། བཅོམ་ལྡན་འདས་དང་། དགེ་སློང་གི་དགེ་འདུན་གྱི་ཕྱིར་ཁྱེད་ཅག་ལྷའི་འཇིག་རྟེན་ན་ཐམས་ཅད་ལས་ཁྱད་པར་དུ་འཕགས་པའི་རིན་པོ་ཆེའི་ཁང་པ་བརྩེགས་པ་དག་དང་། རིན་པོ་ཆེའི་ཤིང་ལྗོན་པ་དག་དང་། དཔག་བསམ་གྱི་ཤིང་ལྗོན་པ་དག་དང་། སྤོས་ཀྱི་ཤིང་ལྗོན་པ་དག་དང་། མེ་ཏོག་གི་ཤིང་ལྗོན་པ་དག་དང་། འབྲས་བུའི་ཤིང་ལྗོན་པ་དག་དང་། ལྷའི་ན་བཟའ་དག་དང་། ལྷའི་གདན་དག་དང་། ལྷའི་གདིང་བ་དག་དང་། ལྷའི་རིན་པོ་ཆེའི་སྣོད་དག་དང་། ལྷའི་རྒྱན་དག་དང་། གདུགས་དང་། རྒྱལ་མཚན་དང་། བ་དན་དང་། ལྷབ་ལྷུབ་དག་དང་། ལྷའི་རོལ་མོའི་སྒྲ་གང་དག་ཡོད་པ་དེ་དག་ཐམས་ཅད་ཀྱིས་འཛམ་བུའི་ཚལ་ཐམས་ཅད་བརྒྱན་པར་གྱིས་ཤིག །ལྷའི་རྒྱལ་པོ་ལྔ་པོ་དེ་དག་གིས་གྲོགས་པོ་དེ་ལྟར་བྱའོ་ཞེས་བྲམ་ཟེའི་ལྟར་མཉན་ཏེ། བྲམ་ཟེའི་དྲུང་ནས་ཕྱིར་ལོག་ནས་ལྷའི་འཇིག་རྟེན་དུ་དོང་སྟེ་ཕྱིན་པ་དང་། ལྷའི་བུ་འཁྲི་བྱེད་དང་། ལྷའི་བུ་འཁྱིལ་བྱེད་དང་། ལྷའི་བུ་སྣར་མ་སྐྱེས་དང་། ལྷའི་བུས་རྩོམ་དགའ་རྣམས་བོས་ཏེ་འདི་སྐད་ཅེས་སྨྲས་སོ། །གྲོགས་པོ་དག་ཁྱེད་ཅག་དེང་ལ་འཛམ་བུའི་གླིང་དུ་བབས་ཏེ། བཅོམ་ལྡན་འདས་ཀྱི་ཕྱིར་འཛམ་བུའི་ཚལ་གྱི་སྐྱེད་མོས་ཚལ་རྒྱན་གྱི་ཁྱད་པར་སྣ་ཚོགས་དག་དང་། གདན་དང་། གདིང་བ་སྣ་ཚོགས་དག་གིས་ཇི་ལྟར་ལྷའི་འཇིག་རྟེན་འདི་བརྒྱན་པ་དེ་ལྟ་བུ་དག་གིས་བརྒྱན་པར་གྱིས་ཤིག །གྲོགས་པོ་དག་རིན་པོ་ཆེའི་ཁང་པ་བརྩེགས་པ་འདི་ལྟ་བུ་ཡང་བརྩིག་ཏུ་ཆུག་ཤིག །འདི་ལྟ་སྟེ། ཁང་པ་བརྩེགས་པ་རིན་པོ་ཆེའི་བ་གམ་ཅན་འདི་ཅི་འདྲ་བ་དེ་ལྟ་བུའི་རིན་པོ་ཆེའི་ཁང་པ་བརྩེགས་བརྩིག་ཏུ་

Saṃtuṣita, Sunirmita, and Para­nirmitavaśavartin came to see the brahmin.

“The brahmin asked, ‘Who are you?’

“The five kings of the devas each told him his name and his class of deities and asked, ‘O brahmin, what is your command? What preparations should we make for this great offering?’

“The brahmin said, ‘For the Bhagavat and his saṅgha of bhikṣus, you should adorn the entire Jambūvana Park with precious, divine kūṭāgāras that are superior to all others, and with precious trees, wish-fulfilling trees, incense trees, flower trees, fruit trees, divine food, divine cloth, divine cushions, divine mats, divine precious bowls, divine ornaments, parasols, victory banners, flags, streamers, and the sound of divine music.’

“The five kings of the devas said, ‘Friend, we shall do so,’ and obeying the brahmin, they left and returned to their paradises. They summoned the devas Veṭaka, Āvetuka, Rohiṇa, Korabha, and Nanda,¹⁵³ and said to them, ‘Friends, go down today to Jambudvīpa and adorn the Jambūvana Park with a variety of special adornments and seats and various mats, just like the deva world is adorned. Friends, build a precious kūṭāgāra there for the Bhagavat. Build a kūṭāgāra with a precious spire just like this palace.’