Karunapundarikasutra 68

68

གིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པའི་བར་དུ་སྔ་མ་བཞིན་ནོ། །དེ་ནས་སངས་རྒྱས་ཀྱི་མཐུས་གླིང་བཞི་བ་གཉིས་པའི་འཇིག་རྟེན་སྐྱོང་བ་རྣམས་ཀྱང་བྲམ་ཟེ་རྒྱ་མཚོའི་རྡུལ་གྱི་གན་དུ་འོངས་པ་དང་། བྲམ་ཟེ་རྒྱ་མཚོའི་རྡུལ་གྱིས་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་ནས། དེ་དག་ཀྱང་དོང་སྟེ་རང་རང་གི་འཁོར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་གོ། །སྟོང་གསུམ་གྱི་སྟོང་ཆེན་པོའི་སངས་རྒྱས་ཀྱི་ཞིང་གི་རྣམ་ཐོས་ཀྱི་བུ་ཐེར་འབུམ་འཁོར་དང་བཅས་པ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་གོ། །འཕགས་སྐྱེས་པོ་ཐེར་འབུམ་དང་། མིག་མི་བཟང་ཐེར་འབུམ་དང་། ཡུལ་འཁོར་སྲུང་ཐེར་འབུམ་འཁོར་དང་བཅས་པ་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་གོ། །རིགས་ཀྱི་བུ་དེ་ནས་བྲམ་ཟེ་རྒྱ་མཚོའི་རྡུལ་འདི་སྙམ་དུ་སེམས་ཏེ། གལ་ཏེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཞིང་བདག་གི་རེ་བ་ཡང་ཡང་དག་པར་འགྲུབ་པར་འགྱུར་ལ། གལ་ཏེ་བདག་གི་སྨོན་ལམ་ཡང་ཡང་དག་པར་འགྲུབ་པར་འགྱུར་བ་ལྟ་ན་བདག་འདོད་པ་ན་སྤྱོད་པའི་ལྷ་རྣམས་ལ་མཆོད་སྦྱིན་ཆེན་པོ་འདིའི་བསོད་ནམས་ཡང་དག་པར་བགོ་བཤའ་བྱེད་པར་གྱུར་ཅིག །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་འཇུག་པར་གྱུར་ཅིག །གལ་ཏེ་བདག་བསོད་ནམས་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་ལྟ་ན་དེང་ལྷའི་དབང་པོ་བརྒྱ་བྱིན་བདག་ལ་ལྟ་བའི་ཕྱིར་འདིར་འོང་བར་གྱུར་ཅིག །ལྷའི་བུ་རབ་འཐབ་བྲལ་དང་། ལྷའི་བུ་ཡོངས་སུ་དགའ་ལྡན་དང་། ལྷའི་བུ་རབ་འཕྲུལ་དང་། ལྷའི་བུ་གཞན་འཕྲུལ་དབང་བྱེད་ཀྱང་བདག་ལ་བལྟ་བའི་ཕྱིར་འདིར་འོང་བར་གྱུར་ཅིག་སྙམ་མོ། །རིགས་ཀྱི་བུ་བྲམ་ཟེ་རྒྱ་མཚོའི་རྡུལ་གྱིས་དེ་སྙམ་དུ་སེམས་བསྐྱེད་མ་ཐག་ཏུ་ལྷའི་དབང་པོ་བརྒྱ་བྱིན་བྲམ་ཟེ་དེ་ལྟ་བའི་ཕྱིར་འོངས་སོ། །ལྷའི་བུ་རབ་འཐབ་བྲལ་དང་།

Then, through the power of the Buddha, the guardians of a second world of four continents came to the brahmin Samudrareṇu, and the brahmin Samudrareṇu caused them to aspire to the highest, most complete enlightenment. They returned and directed their own retinues to the highest, most complete enlightenment.

“This continued until a billion Vaiśravaṇas,¹⁵¹ a billion Virūḍhakas, a billion Virūpākṣas, a billion Dhṛtarāṣṭras, and all their retinues had been directed to the highest, most complete enlightenment. Then, noble son, the brahmin Samudrareṇu thought, ‘If I am to attain the complete enlightenment of perfect buddhahood, if my wish is to be fulfilled, and if my prayer is to be fulfilled, may the devas who carry out my wishes share in the merit of this great offering.¹⁵² May they truly aspire to the highest, most complete enlightenment. If through this merit I am to attain the complete enlightenment of perfect buddhahood, may Śakra, the lord of the devas, come here to see me today. And may the deva Suyāma, the deva Saṃtuṣita, the deva Sunirmita, and the deva Para­nirmitavaśavartin come here to see me.’

“Noble son, as soon as the brahmin Samudrareṇu developed that aspiration, Śakra, lord of devas, and the devas Suyāma,