The seventeen sections (vastu) on monastic procedure 1.460.5

Vinayavastu 1.460.5

Language: Sanskrit

1.460.5

mā te utkṛttamūlaṃ śiraḥ kṛtvā pṛthivyāṃ nipātayiṣyāmīti | tata ahituṇḍikena duḥkhavedanābhibhūtena mantrā vyāvartitāḥ | tena ca samanantaraṃ lubdhakena jīvitād vyavaropitaḥ | tato nāgapoto mantrapāśabandhanādvinirmukto hradādabhyudgatya taṃ lubdhakaṃ pariṣvaktavānevaṃ cāha | tvaṃ me mātā tvaṃ pitā yanmama tvamāgamya mātāpitṛviyogajaṃ duḥkhaṃ notpannam | āgaccha bhuvanaṃ gacchāvaḥ | tenāsau svabhuvanaṃ nīto nānavidhena cānnapānena saṃtarpito ratnāni copadarśitāni | mātāpitrośca niveditam | amba tāta eṣa me suhṛccharaṇyaṃ bāndhavo'syānubhāvānmama yuṣmābhiḥ saha viyogo na jāta iti | tābhyāmapyasau vareṇa pravārito vividhāni ratnāni dattāni | sa tānyādāya tasmād hradād vyutthitaḥ |

Previous: 1.460.4
Next: 1.461
Up: 1.460

Linked texts (1)

Divyāvadāna — Sanskrit