Dhammapada 14.2.p14
Dhammapadaṭṭhakathā 14.2.p14
- Language
- Pāli
14.2.p14
Atha uppalavaṇṇā therī satthāraṃ vanditvā ‘‘ahaṃ, bhante, pāṭihāriyaṃ karissāmī’’ti vatvā ‘‘kathaṃ karissasī’’ti puṭṭhā āha – ‘‘ahaṃ, bhante, samantā dvādasayojanikaṃ parisaṃ dassetvā āvaṭṭato chattiṃsayojanāya parisāya parivuto cakkavattirājā hutvā āgantvā tumhe vandissāmī’’ti. Satthā ‘‘jānāmi te ānubhāva’’nti tassāpi pāṭihāriyakaraṇaṃ paṭikkhipi. Atha mahāmoggallānatthero bhagavantaṃ vanditvā ‘‘ahaṃ, bhante, pāṭihāriyaṃ karissāmī’’ti vatvā ‘‘kathaṃ karissasī’’ti puṭṭho āha – ‘‘ahaṃ, bhante, sinerupabbatarājānaṃ dantantare ṭhapetvā māsasāsapabījaṃ viya khādissāmī’’ti. ‘‘Aññaṃ kiṃ karissasī’’ti? ‘‘Imaṃ mahāpathaviṃ kaṭasārakaṃ viya saṃvellitvā aṅgulantare nikkhipissāmī’’ti. ‘‘Aññaṃ kiṃ karissasī’’ti? ‘‘Mahāpathaviṃ kulālacakkaṃ viya parivattetvā mahājanaṃ pathavojaṃ khādāpessāmī’’ti. ‘‘Aññaṃ kiṃ karissasī’’ti? ‘‘Vāmahatthe pathaviṃ katvā ime satte dakkhiṇahatthena aññasmiṃ dīpe ṭhapessāmī’’ti. ‘‘Aññaṃ kiṃ karissasī’’ti? ‘‘Sineruṃ chattadaṇḍaṃ viya katvā mahāpathaviṃ ukkhipitvā tassupari ṭhapetvā chattahattho bhikkhu viya ekahatthenādāya ākāse caṅkamissāmī’’ti. Satthā ‘‘jānāmi te ānubhāva’’nti tassapi pāṭihāriyakaraṇaṃ nānujāni. So ‘‘jānāti maññe satthā mayā uttaritaraṃ pāṭihāriyaṃ kātuṃ samattha’’nti ekamantaṃ aṭṭhāsi.
Then the Elder Moggallāna the Great saluted the Exalted One and said, ``Reverend Sir, I will perform a miracle.'' ``What miracle will you perform?'' asked the Teacher. ``Reverend Sir, I will put Mount Sineru, king of mountains, between my teeth and crunch it like a kidney-bean.'' ``What else will you do?'' ``I will roll up this earth like a mat and thrust it between my fingers.'' ``What else will you do?'' ``I will cause the earth to revolve like a potter's wheel and I will give the multitude the essence of earth to eat.'' ``What else will you do?'' ``I will place the earth in my left hand, and I will remove all these living beings to another continent.'' ``What else will you do?" "I will use Mount Sineru as an umbrella-stick, uplift the great earth, place it thereon, and taking it in one hand, even as a monk carries an umbrella in his hand, walk about in the air." Said the Teacher, "I know your supernatural power," but declined to permit him to perform the miracles. Said Moggallāna, "Doubtless the Teacher knows of someone able to perform a miracle more wonderful than any that I am able to perform." So saying, he stepped aside.
Translations (1)
- Buddhist Legends (Harvard Oriental Series 28–30) — Eugene Watson Burlingame 1921, English
Linked texts (1)
- Dhammapada — Pāli
Discussed in (1)
- Dictionary of Pāli Proper Names — Malalasekera 1937, English