Dhammapada 14.2.p22
Dhammapadaṭṭhakathā 14.2.p22
- Language
- Pāli
14.2.p22
Taṃdivasaṃ satthā caṅkamitvā pāṭihāriyaṃ karonto antarantarā mahājanassa dhammaṃ kathesi. Kathento ca janaṃ nirassāsaṃ akatvā tassa assāsavāraṃ deti. Tasmiṃ khaṇe mahājano sādhukāraṃ pavattesi. Tassa sādhukārapavattanakāle satthā tāvamahatiyā parisāya cittaṃ olokento ekekassa soḷasannaṃ ākārānaṃ vasena cittācāraṃ aññāsi. Evaṃ lahukaparivattaṃ buddhānaṃ cittaṃ. Yo yo yasmiñca dhamme yasmiñca pāṭihīre pasanno, tassa tassa ajjhāsayavaseneva dhammañca kathesi, pāṭihīrañca akāsi. Evaṃ dhamme desiyamāne pāṭihīre ca kariyamāne mahājanassa dhammābhisamayo ahosi. Satthā pana tasmiṃ samāgame attano manaṃ gahetvā aññaṃ pañhaṃ pucchituṃ samatthaṃ adisvā nimmitabuddhaṃ māpesi. Tena pucchitaṃ pañhaṃ satthā vissajjesi, satthārā pucchitaṃ so vissajjesi. Bhagavato caṅkamanakāle nimmito ṭhānādīsu aññataraṃ kappesi, nimmitassa caṅkamanakāle bhagavā ṭhānādīsu aññataraṃ kappesi. Tamatthaṃ dassetuṃ ‘‘nimmito caṅkamati vā’’tiādi vuttaṃ. Evaṃ karontassa satthu pāṭihāriyaṃ disvā dhammakathaṃ sutvā tasmiṃ samāgame vīsatiyā pāṇakoṭīnaṃ dhammābhisamayo ahosi.
Since the Teacher saw in that vast throng none other than himself who understood his mind and could ask him questions, he put forth his supernatural power and created a double; the double then asked him questions and the Teacher answered them. While the Exalted One walked up and down, his double occupied himself otherwise; while his double walked up and down, the Exalted One occupied himself otherwise. (It is in order to make this point clear that the statement, "His double walked," and so forth, is introduced.) Seeing the Teacher perform his miracle thus and hearing him preach the Law, two hundred millions of living beings in that vast throng obtained Comprehension of the Law.
Translations (1)
- Buddhist Legends (Harvard Oriental Series 28–30) — Eugene Watson Burlingame 1921, English
Linked texts (1)
- Dhammapada — Pāli
Discussed in (1)
- Dictionary of Pāli Proper Names — Malalasekera 1937, English