Khuddasikkha 3.2.28
Khuddasikkhā 3.2.28
- Language
- Pāli
3.2.28
Ettāvatā ‘‘garukā navā’’ti uddiṭṭhe vitthārato dassetvā idāni tesu āpannesu paṭipajjitabbākāraṃ dassetuṃ ‘‘chādeti jānamāpanna’’ntiādi vuttaṃ. Tattha yo bhikkhu attanā āpannaṃ saṅghādisesāpattiṃ āpattivasena vā vatthuvasena vā jānaṃ jānanto yāvatā yattakāni ahāni chādeti paṭicchādeti, tāvatā tattakāni ahāni tassa parivāso hotīti evaṃ padasandhivasena attho veditabbo. Tattha paṭicchannaparivāso suddhantaparivāso samodhānaparivāsoti tividho parivāso. Tesaṃ pana atisaṅkhepanayena mukhamattepi dassite vitthāravinicchayapavesopāyasambhavo siyāti mukhamattaṃ dassayissāma.
Commentaries (4)
- Khuddasikkhā-abhinavaṭīkā (Sumaṅgalappasādanī) — Saṅgharakkhita, Pāli
- Porāṇa-ṭīkā — Revata or Mahāyasa, Pāli
- Ṭīkā Sumaṅgalapasādanī — Saṅgharakkhita Thera and Medhaṅkara of Udumbaragiri, Pāli
- Ṭīkā in Pāli — Pāli