Nyayacandrika 1.p211

1.p211

jñāna-karmasamuccayaviṣaye bhagavatpādānāṃ bhāṣyameva yathābhāskarasiddhāntaṃ nyāyacandrikā yathāvadanukaroti— nyāyacandrikā— nanu jñāna-karmasamuccaye bhagavadvacanamatra pramāṇam—‘‘niyataṃ kuru karma tvam’’ ‘‘karmaṇyevādhikāraste’’ ‘‘māmanusmara yudhya ca’’ iti| tatra tatra śrutamagnihotrādismārtaṃ sandhyārādhana-yuddhādi-yasyāśramiṇo yathā yathā vihitaṃ karma, tat tasya jñānena samuccīyate| smārtamapi śrautameva; śrutimūlatvāt| puruṣasmaraṇasambandhāt smārtamiti gīyate, iti bhāskarānusārijñāna-karmasamuccayapakṣopapādanam| ‘‘atra vidyākarmasamuccayo niḥśreyasakara iti bhāskarīyāḥ,’’ iti nirdeśād na kevalaṃ bhāskarācāryaḥ, kiṃ tu tatsampradāyapravartaka upavarṣācāryo'pi vivakṣyate| sati caivaṃ bhagavatpādabhāṣyagatakecitpadena vṛttikāro'pi vivakṣyata ityānandagirivyākhyā na virudhyate