Prapancahridaya 3.p16

3.p16

iti | agarbhaśca sagarbhaśceti dvividhaḥ prāṇāyāmaḥ | tatra japadhyānarahito'garbhaḥ | japadhyānopetaḥ sagarbhaḥ | agarbhāt sagarbhaḥ śatādhikaḥ | tasmāt sagarbhameva kuryāt | prāṇavijayādeva daśa vāyavo vi(ja ? jī)yante | te'pi prāṇāpānavyānodānasamānanāgakūrmakṛkaladevadattadhanañjayāḥ | tatra prayāṇa(?)karaṇaḥ prāṇaḥ | apā(na ?)nayanādapāno malādīnām| vyāno'nnarasamaśeṣāṇyaṅgāni vyāna(śa ?)yati | udvejayati (?) karmāṇītyudānaḥ | samaṃ nayati gātrāṇīti samānaḥ | udgārakārako nāgaiḥ | kūrma unmīlanakaraiḥ | kṣutkṛt kṛkalaḥ | jṛmbhaṇakṛd devadattaḥ | dhanañjayaḥ sarvavyāpī mṛtaṃ ca na vimuñcati | iti krameṇābhyasyamānaḥ pramāṇavatprāṇāyāmo'khilaṃ doṣaṃ nirdahati, dehaṃ ca rakṣati | prāṇe vijite cihnāni lakṣyante | viṇmūtraśleṣmadoṣāṇām alpabhāvaḥ bahubhojanasāmarthyaṃ cirāducchvāsaśca, laghutvaṃ śīghragāmitvaṃ svarasauṣṭhavamutsāhaśca, sarvarogakṣayo balaṃ tejaśca surūpatā ca, dhṛtirmedhā yuvatvaṃ sthiratā prasaṅgatā(?) ca | prāṇāyāmena sarvapāpaparikṣyaḥ syāt | sa nityaṃ kṛto bhrūṇahanamapi māsāt punāti | ṛtudvayājjanmāntarakṛtādaghāt punāti | saṃvatsarād brahma vidvān syāt | tasmānnityamabhyasanīyaḥ | “indriyāṇi prasaktāni yathāsvaṃ viṣayeṣviha | āhṛtya yannigṛhṇāti pratyāhāraḥ sa ucyate ||” manaḥpūrvāṇīndriyāṇyeva svarganarakau | nigṛhītāni svargāya visṛṣṭāni narakāyeti yataḥ, tasmādindriyāśvān nigṛhya jñānavairāgyayuktaḥ svātmanātmānamuddharet | “dhāraṇā nāma cittasya sthānabandhaḥ samāsataḥ | sthānaṃ ca śiva evaiko nānyad doṣāśrayaṃ yataḥ || kālaṃ cāpyavadhīkṛtya sthāne'vasthāpitaṃ manaḥ