Prapancahridaya 3.p17

3.p17

na pracyavati yallakṣyād dhāraṇā sābhidhīyate || manasaḥ paramaṃ dhairyaṃ dhāraṇātaḥ prajāyate | tasmād dhīraṃ manaḥ kuryād dhāraṇābhyāsayogataḥ || avyākṣiptena manasā muhurīśvaracintā dhyānaṃ nāma | dhyeyāvasthitacittasya sadṛśapratyayasya yaḥ | pratyayāntaranirmuktaḥ pravāho dhyānamucyate || sarvamanyat parityajya śiva ekaḥ śivaṅkaraḥ | paro dhyeyo'thavā seti samāptātharvaṇī śrutiḥ | sarvaprabhū śivau yasmāt sarvagau satatauditau | sarvajñau satataṃ dhyeyau nānārūpavibhedataḥ || vimuktipratyayaḥ pūrvamaiśvaryaṃ cāṇimādikam | ityetad dvividhaṃ jñeyaṃ dhyeyasyāsya prayojanam || japācchrāntaḥ punardhyāyed dhyānācchrāntaḥ punarjapet | japadhyānābhiyuktasya kṣipraṃ yogaḥ prasidhyati || dhāraṇā dvādaśāyāmā dhyānaṃ dvādaśadhāraṇā | dhyānedvādaśakaṃ yāvat samādhirabhidhīyate ||” aṣṭamaṃ yogāṅgaṃ samādhiriti vadanti | sarvatra prajñālokaḥ samādhinā(sarvatra ?) pravartate | “yadarthamātranirbhāsaṃ stimitodadhivat sthitam | svarūpaśūnya(ma?mā)dhyānaṃ tat samādhirihocyate || dhyeye manaḥ samāveśya tiṣṭhedvicalāściram