Prapancahridaya 3.p19

3.p19

“pratibhā śravaṇaṃ vārtā darśanāsvādavedanāḥ | upasargāḥ paḍityete tyāge yogasya siddhayaḥ || sūkṣme vyavahite'tīte viprakṛṣṭe tvanāgate | pratibhā kathyate yārthe pratibhā sā yathātatham || śravaṇaṃ sarvaśabdānāṃ śravaṇaṃ tvaprayatnataḥ | vārtā vārtāsu vijñānaṃ sarveṣāmeva dehinām || darśanaṃ nāma divyānāṃ darśanaṃ tveprayatnataḥ | tathāsvādaśca divyeṣu raseṣvāsvāda ucyate || sparśanādhigamaistadvad vedanā nāma viśrutā | gandhānāṃ (ca ? cāpi) divyānāmābrahmabhuvanāvadhi || upattiṣṭhanti ratnāni dhanāni ca bahūni ca | svacchandamadhurā vāṇī vividhāsya pravartate || rasāyanāni sarvāṇi divyāścauṣadhayastathā | sidhyanti praṇipatyainaṃ nayanti surayoṣitaḥ || yogasiddhayaikadeśo'pi dṛṣṭe mokṣe bhavenmatiḥ | dṛṣṭametanmayā yadvat tadvanmokṣo bhavediti || hrasvatā sthūlatā bālyaṃ vārdhakyaṃ caiva yauvanam | nānājātisvarūpaṃ ca caturṇāṃ deha(dhāriṇāṃ?dhāraṇam) || pārthivāṃśaṃ vinā nityaṃ surabhīgandhasaṃgra(ham ? haḥ) | evamaṣṭaguṇaṃ prāhuḥ paiśācaṃ pārthivaṃ padam || jale nivasanaṃ caiva bhūmyāmiva vinirgamaḥ