Prapancahridaya 3.p32

3.p32

śanno neyo mayā nārī māra ityekagodine | tridvyekaśaradāṃ ṣaḍbhirmāsānāṃ cānilo dadet || māsadvandvaṃ māsamekaṃ māsārthaṃ daśavāsaram | kṣudraiḥ sārairharairdhīrairdinaiḥ pakṣānicodayet (?) || nāgaḥ kālaḥ khalo lola iti pakṣodito dinaiḥ | ahnānāṃ ṣaṭtrikadvandvaṃ caikaṃ cānugrahe marut || yasya kasya ca māsasya śuklapakṣasya cāditaḥ | parīkṣeta tathā mṛtyuṃ vāyucāravaśād budhaḥ || vāme yadi vahed vāyurekāhorātrameva ca | varṣatrayād bhavenmṛtyurdvidine vatsaradvayāt || tridine vatsarānmṛtyurdaśāhe māsato mṛtiḥ | māse tvekadine mṛtyurevaṃ jñeyaṃ vipaścitā || prārabhya darśe prathamrāsudeti vāme puṭe trīṇi dināni devaḥ | vāmetare trīṇi tato dināni pūrvā tithiyāvattathaivameva || athārabhya śuklānyapakṣādibhūtāṃ tithiṃ trīṇi devo dinānyabhyudeti | puṭe dakṣiṇe trīṇi vāme tu yāvat kuhūrevamevaṃ sadā tryakṣapannā(?) || ekasya pakṣasya viparyayeṇa rogābhibhūtirbhavatīha puṃsām