Prapancahridaya 3.p35

3.p35

athānyaśca prayogo'smin kathyate kālavedinām | hitāya sādhakendrāṇāṃ saṃkṣepāduttamottamam || mudrāṃ tu mukulīṃ samyak saṃsthāpya śirasi kramāt | nāsāgraṃ vīkṣamāṇasya dṛśyate mukulaṃ mahat || rambhāpuṣpasamākāraṃ śiśukiñjalkasannibham | dṛśyante dvādaśadalānyabhyāsāta tasya mantritāt || yadāpyekaṃ dalaṃ naṣṭaṃ rudramāsaṃ sa jīvati | dalahānikramājjñeyā māsāḥ śepāśca yogibhiḥ || na dṛśyate cenmukulaṃ sadyo maraṇamādiśet | svahaste mastake nyaste taddaṇḍamavalokayet || vicchinnaṃ paśyato mṛtyuḥ paṇmāsāta prāṅ na saṃśayaḥ | arundhatīṃ dhruvaṃ vyoma sarito yo na paśyati || yaḥ paśyecchardiviṇmūtrān rāgaropyahiraṇyavat (?) | gandharvādipuraṃ haimau vṛkṣādrī vā ya īkṣate || yatpadaṃ pāṃsupaṅkādāvarpitaṃ khaṇḍitaṃ bhavet | ameghe vyomni yaḥ paśyed vidyutaṃ dakṣiṇāgatām || salile śakracāpaṃ vā tasyārvāg vatsarānmṛtiḥ | kākāruṇakapotādi yamārohati nirbhayam || kṛṣṇā strī yacchiraśchindyāt svapne tasyācirānmṛtiḥ | ūrdhvādhaḥpārśvasammarde netrayorastu na dṛśyate || jyotiścet ṣaṭtrikadvyekamāsikaṃ tasya jīvitam