Prapancahridaya 3.p8

3.p8

bahudhā sarvabhūteṣu vyāpya tiṣṭhati śāśvataḥ || kṣetrajñamekataḥ kṛtvā sarvakṣetramathaikataḥ | evaṃ taṃ vimṛśejjñānī saṃyataḥ satataṃ hṛdā || puruṣaḥ prakṛtistho hi bhuṅkte prakṛtijān guṇān | akartālepako nityo madhyasthaḥ sarvakarmaṇām || kāryakāraṇakartṛtve hetuḥ prakṛtirucyate | puruṣaḥ sukhaduḥkhānāṃ bhoktṛtve heturucyate || ajaro'yamacintyo'yamavyakto'yaṃ sanātanaḥ | dehe tejomayo dehī tiṣṭhatītyapare viduḥ || jñānamūṣmā ca vāyuśca śarīre jīvasaṃjñakāḥ | ityete niścitā buddhyā tatra ye buddhicintakāḥ ||apare sarvalokāṃśca vyāpya tiṣṭhantamīśvaram | bruvate kecidatraiva tile tailamiva sthitam || apare nāstikā mūḍhā hīnatvāt sthūlalakṣaṇaiḥ | nāstyātmeti viniścitya prāhuste narakālayāḥ || evaṃ nānāvidhānena vimṛśanti maheśvaram | -rūḍhamā brahmaṇo lokā nityamavyayamakṣaram || adhyātma sarvadeheṣu hetustatra sudurgamaḥ | ṛṣibhiścāpi devaiśca vyaktameva na dṛśyate || dṛṣṭvātmānaṃ mahātmānaṃ punaḥ sa na nivartate | tasyādarśanato moho vidite paramā gatiḥ ||” iti | anyadapyucyate dehadehinorvibhāgajñānāya - "sadekasukharūpasya māyinaḥ paramātmanaḥ