Prapancasarasamgraha 3.p1.2

3.p1.2

bhairavītantre -anāmāmadhyamārabhya kaniṣṭhānukrameṇa tu
madhyamāmūlaparyantā karamālā prakīrtitā
smṛtisāre -sakṛduccarite śabde praṇavaṃ samudīrayet
prokte cāmaravāṇyāpi prāṇāyāmaṃ samācaret
bahupralāpe cācamya nyasyāṅgāni tato japet
śrutepyena tathāspṛśyasthānānāṃ sparśane bhavet
vāyavīyasaṃhitāyām—
uṣṇīṣī kañcukī nagno muktakeśo galāvṛtaḥ
apavitrakaro'śuddhaḥ pralapanna japed kvacit
asaṃhṛtau karau kṛtvā śirasi prāvṛto'pi vā
cintāvyākulacitto vā'pyaśuddho bhrāntaḥ kṣadhānvitaḥ
anāsanaśśayāno vā gacchannutthita eva vā
rathyāyāmaśivasthāne na japettimirāntare
upānadgūḍhapādo vā yānaśayyāgatastathā
prasārya na japetpādāvutkaṭāsana eva vā
nādīkṣito viśejjātu kṛṣṇasārājine gṛhī
viśedadyatirvanasthaśca brahmacārī ca snātakaḥ
kapilapañcarātre—
vikṣepādathavālasyājjapahomārcanāntarā
uttiṣṭhati tadā nyāsaṃ ṣaḍaṅga vinyasetpunaḥ
aśvatthodumbarājāḥ lakṣanyagrodhasaṃbhavāḥ samidhaḥ
tilasarṣapadaugdhaghṛtānyedravyāṇi saṃpradiṣṭāni
etairdravyairvā sarasijairmathurāplutairvā daśāṃśaṃ juhuyāt puraścaraṇāhomaḥ
athānuṣṭhānapaddhatyuktaprakāreṇāṣṭākṣaranyāsavidhirlikhyate—
tatra ca guruvandanādisāmānyanyāsaṃ lipinyāsāntaṃ prasiddharītyā
nirvartya keśavādinyāsaṃ saptamapaṭaloktaprakāreṇa, vaiṣṇavapīṭhanyāsaṃ saptadaśapaṭaloktaprakāreṇa ca kṛtvā, tasmin viṣṇumūrtaye nama iti mūrtiṃ saṃkalpya
tasyāmāvāhya mānasapūjāṃ kṛtvā tejomayaṃ bhāvayitvā, karatalapṛṣṭhapārśveṣu
mūlena ca vyāpya, oṃ oṃ oṃ namaḥ | oṃ naṃ oṃ namaḥ | oṃ moṃ oṃ namaḥ