Prapancasarasamgraha 3.p1.3

3.p1.3

ityādikrameṇa mūlamantravarṇairdakṣiṇatarjanīmārabhya, prathamaparvaṇi prathamatāraṃ dvitīyaparvaṇi mantravarṇaṃ tṛtīyaparvaṇi dvitīyatāraṃ agre namaśceti krameṇa vāmatarjanyantaṃ
sṛṣṭinyāsaṃ kuryāt | tarjanīdvayādikaniṣṭhāntaṃ sthitiḥ || vāmatarjanyādidakṣiṇatarjanyantaṃ saṃhāranyāsaṃ kṛtvā evaṃ sṛṣṭikrameṇāṅganyāsaṃ kṛtvā aṃguṣṭhadvayādikaniṣṭhadvayāntaṃ yugapatpañcāṅgaṃ ca nyasya 'tābhyāṃ karābhyāṃ tārapuṭitena mūlena dehe
tridhā vyāpya, mūlapuṭitamātṛkānyāsaṃ ca, oṃ namaḥ parāya parameṣṭhyātmane
vāsudevāya namaḥ ityādisaptadaśapaṭale - gopālakanyāsavidhānoktaprakāreṇa
pañcatattvanyāsaṃ ca kṛtvā, mūlamantrākṣarāṇi mūrdhekṣaṇāsyahṛdayanābhiguhyajānupādeṣu
nyasya aṣṭatattvāni nyaset
oṃ yaṃ namaḥ parāya pṛthivyātmane namaḥ | oṃ ṇāṃ namaḥ parāya aptvātmane
namaḥ| oṃ ryaṃ (rāṃ)namaḥ parāya teja ātmane namaḥ| oṃ rśā (ryaṃ) namaḥ parāya vāyvātmane
namaḥ | oṃ nāṃ namaḥ parāyākāśātmane namaḥ | oṃ moṃ namaḥ parāya ahaṃkārātmane
namaḥ | oṃ naṃ namaḥ parāya mahadātmane namaḥ | oṃ oṃ namaḥ parāya prakṛtyātmane
namaḥ || iti mantravarṇapratilomitāṣṭatattvāni pādaguhyahṛdvadanaśirassu pañca, hṛdi
dvayaṃ, sarvāṅge ca nyaset | oṃ bindvātmane namaḥ | oṃ nādātmane namaḥ
oṃ antarātmane namaḥ | oṃ śaktyātmane namaḥ | oṃ paramātmane namaḥ | oṃ
śāntā (ntyā) tmane namaḥ | oṃ jñānātmane namaḥ | oṃ namaḥ parāyeti pañcatattvāni
ca saṃbhūya dvādaśatattvāni | eteṣvāditaścaturbhiḥ vyāpayet | punaḥ pūrvoktāṣṭasthāneṣu
avaśiṣṭāni nyaset | punaḥ mūlamantravarṇanyāsaṃ kuryāt