Prapancasarasamgraha 3.p1.4

3.p1.4

ādhārahṛdvadanadoḥ padamūlanābhau kaṇṭhe sanāmihṛdayastanapārśvapṛṣṭhe
kāsyekṣaṇaśravaṇagandhavahe ca doḥpatsandhyaṅgulīṣu hṛdi dhātuṣu sānileṣu
mūrddhekṣaṇāsyahṛdayodarasorujaṅghāpādadvayeṣu lipiśo nyasatu krameṇa
gaṇḍāṃsakorucaraṇeṣu rathāṅgaśaṅkhaśrīmadgadāmbujapadeṣu samāhitātmā
ityuktaprakāreṇa daśāvṛttyā nyāsaṃ kṛtvā hṛdi dhātuṣu sānileṣvityatra, oṃ
tvagātmane namaḥ | naṃ raktātmane namaḥ | moṃ māṃsātmane namaḥ | nāṃ
medaātmane namaḥ | rāṃ asthyātmane namaḥ | yaṃ majjātmane namaḥ | ṇāṃ
śukrātmane namaḥ | yaṃ prāṇātmane namaḥ | iti dhātumantraḥ | rāṃ cakrātmane
namaḥ | yaṃ śaṅkhātmane namaḥ | ṇāṃ gadātmane namaḥ | yaṃ padmātmane namaḥ
iti ca cakrādiṣu yojyam | evaṃ mūlamantravarṇān nyasya, mūrtipañjaranyāsaṃ
prāk saptadaśapaṭale gopālakāṣṭādaśākṣarīvidhāne uktena prakāreṇa kṛtvā,
punaḥ oṃ kirīṭakeyūrahāramakarakuṇḍalālaṅkṛtaśaṅkhacakragadābjahastapītāmbaradharaśrīvatsā
ṅkitavakṣasthalaśrībhūmisahitasvālpajyotirdvayadiptikarāya sahasrādityatejase paramātmane nama iti mūrdhni vinyasya, punarmūlamantrasyāṣṭāṅganyāsaṃ pañcāṅganyāsaṃ ca
kṛtvā, cakrāya namaḥ | śaṅkhāya namaḥ | gadāyai namaḥ | padmāya namaḥ | iti
āyudhāni tattatsthāneṣu vinyasya ṛṣyādīn kṛtvā dhyātvā japet
athāsminneva prapañcasāre proktaprakāreṇāpyasya nyāsavidhilikhyate—
prathamaṃ prāk saptadaśe paṭale uktena prakāreṇa dehe gurubhyo namaḥ ityādi
vaiṣṇavapīṭhaṃ nyasya, punassudarśanaśāstreṇa tāḷatrayadigbandhanādīn kṛtvā, punaḥ
prāk saptame paṭale mātṛkānyāsaprakaraṇe ādhārahṛdadan ityādyuktena prakāreṇa