Tattvapradipika p207

p207

'ākāṅkṣāsaṃnidhiyogyatāvanti padāni vākya' miti vākyavidaḥ natu saṃsargapramitijanakānyapīti | viśeṣaṇavaiyarthyāt | ācāryaśabarasvāminā ca 'śāstraṃ śabdavijñānādasannikṛṣṭe'rthe vijñāna'mityetāvata eva lakṣaṇasyābhidhānāt | prātipadikamātrārthapraśnottaratvānupapattiśca laukikavaidika lakṣaṇavākyānāmekaprātipadikārthamātraparyavasāyitve pramāṇam | pradarśitā ca tatrānupapattiḥ abubhutsitārthapratipādane'navadheyavacanatvaprasaktiriti | tadevamaśeṣopaniṣadāmakhaṇḍaikarase brahmaṇi svataḥsiddhameva prāmāṇyamiti siddham