Tattvapradipika p213

p213

jñānavyakteḥ pramāvyaktito bhedābhāve'pi vijñānatvapramātvadharmayorbhedāt | ataśca ghaṭatvasya pṛthivītvaprayojakātiriktaprayojakatvasādhana iva pramāyā vijñānatvaprayojakātiriktaprayojakatvasādhane bādhābhāvāt, vipakṣe ca pramātvasya vijñānatvaprayojakamātraprayojyatvāt, jñānatvavadapramājñānavṛttitvaṃ syāditi bādhakastarka ūhyaḥ | nanu jñānasāmagryā evānirūpaṇāt tadatiriktahetvadhīnatvaṃ durjñānamiticet maivam | evaṃ satyapramāyāḥ paratastvaṃ dattajalāñjali syāt | tadapi hi jñānasāmagrīnirūpaṇādhīnanirūpaṇaṃ tasya doṣānuṣaktavijñānasāmagrījanyatāpratijñānāt | tasmātpattau pramāyāḥ svatastvaṃ nāpi jñaptau | tathāhi nīlasaṃvedanasya prāmāṇyaṃ nīlasaṃvedanenaivāvedyata iti svatastvamucyate kiṃvā tadbhedanagrāhyamātragrāhyatvena | nādyaḥ | tasya tatrāpramāṇatvāt | tathāhi yadetannīlaprakāśanapratyakṣaṃ tannīlaṃ prati tāvatpratyakṣamindriyārthasaṃnikarṣotpannatvāt | svaprāmāṇyaṃparicchittau tu kathaṃ tatpramāṇaṃ tasya bahirindriyairasaṃnikarṣāt | apica tatpratyakṣaṃ vijñānasyaiva prāmāṇyaṃ gṛhṇīyāduta 'tatphalasya | nādyaḥ | jñānasya phalaliṅgānumeyatvena tasyāpratyakṣatayā tatprāmāṇyasyāpi pratyakṣatvānupapatteḥ | phalasyāpi svaprakāśatayā bāhyendriyāviṣayatvāt, tadgatayathārthatvalakṣaṇaprāmāṇyasyāpi