Vicaratrayi 80.1-2

80.1-2

mudritāyāṃ turīyamīmāṃsāyāṃ mukhapṛṣṭhe bhāṣābhedenābhiprāyanivedanaṃ tebhyastebhyaḥ saṃnyāsādhikāro datta iti dhvananāya | ucitametaditi
atha śrīmanmahāmahopādhyāyasatsaṃpradāyācāryasarvatantrasvatantrapaṇḍitasvāmirāmamiśraśāstripraṇītaturīyāśramamīmāṃsānibandho bahubhiranekadeśasthaiḥ paṇḍitaiḥ pariśīlitaḥ syāduttarāṇyapi dattāni
syuḥ | vayamadhunā taṃ nibandhamatyādarāditastitaṃ parāmṛśya sthālīpulākanyāyena vyāhṛtiṃ pradarśayāmro yenācāryasaraṇiḥ sthāpitā
syāt | prathamaṃ virudāvalyāṃ satsaṃpradāyācāryeti | svasaṃmatasatsaṃpradāyācāryatvaṃ rāmānujākhye prathamapuruṣe prasiddhamatastadācāryatvamatra vyāhṛtaṃ | sarvatantrasvatantreti | sa ceśadharmo jīve vyāhṛtaḥ
yadyavyāhatastadā jitamasmābhirbhedavādavidalanāt | ekatantrasvatantropi pāṇinyādirna kiṃkaraḥ | sarvatantrasvatantropi kiṃkaropītyasāṃpratam | idaṃ ca tvanmatameva | paṇḍitasvāmīti | nahi paṇḍitaiḥ
svāmitvaṃ dattaṃ yathā jagannātharāyāya paṇḍitarājatvaṃ dattaṃ tatastatsvāmitvaṃ vyāhṛtaṃ | rāmeti mātṛdattaṃ nāma | miśreti | upapannaṃ miśratvaṃ
gārhasthyasaṃnyāsobhayalakṣaṇāṅgīkārāt | śāstrīti | 'tametaṃ vedānuvacanena brāhmaṇā vividiṣanti | brāhmaṇāḥ pravrajanti | omiti
brāhmaṇaḥ pravakṣyannāha | brahmopāpnavānīti | brahmaivopāpnoti' | 'na
karmaṇā na prajayā dhanena tyāgenaike amṛtatvamānaśuḥ' | eke mukhyā
varṇeṣu brāhmaṇāḥ | upanyastavākyaikavākyāt | evaṃvidhaśāstrasaṃghasatyapi kṣatriyavaiśyayoḥ saṃnyāsādhikāradātuḥ śāstritvaṃ vyāhartaṃ
brāhmaṇatvaṃ ca tathā | jātisaṃrambho'nya eva saḥ | kimu vaktavyaṃ
sati śāstrabale | na brāhmaṇasamatvamabhyeti varṇāntaramiti śrutīnāmarthaḥ | iti virudāvalīvyāghātaḥ prathamaḥ pulākaḥ