Vicaratrayi 80.2-2

80.2-2

atra granthe maṅgalācaraṇe tṛtīyaḥ ślokaḥ | tridaṇḍino mahātmāno
yadi nanvekadaṇḍinaḥ | tebhyo yatibhyaḥ sarvebhyo gṛhiṇo me natiḥ
sadeti | svasya brāhmaṇasya sataḥ kṣatriyā vaiśyāścaikadaṇḍatridaṇḍādhikāriṇo nirṇītāḥ svakṛtanamaskārārhā ityaṅgīkṛtamataeva sarvebhya
ityuktam | ye kecana śāstrasaṃmatā adhikāriṇo namaskāreṇa tuṣṭāḥ
śāntimāpnuvantu bhīṣme paraśurāma ivārjune droṇa iveti | ye
kecitsvayaṃ nirṇītā adhikāriṇaste'sau brāhmaṇaḥ sannapi namaskṛtya
brāhmaṇatvaṃ saṃnyāsādhikāraṃ ca dadāti tasmādasmai yathecchaṃ pāritoṣikaṃ deyamiti saṃkalpayantviti gūḍhākūtam | ko'nyathetthaṃ namaskuryāt | kimidaṃ brāhmaṇyaṃ jātito guṇato vā yatkṣatriyavaiśyapādayoḥ śiro'rpayati jātimiśryāvāditvaṃ vyañjayati prakṛtaprākṛtajanatoṣāya | kimeṣa satsaṃpradāyaḥ | kutra kṣatriyavaiśyau kutra brāhmaṇa
etadvicāraṇīyaṃ | vidito bhavetsatsaṃpradāyaḥ || nanu kṣatriyavaiśyau
na namaskaromi kiṃtu brāhmaṇāneva saṃnyāsina iti cejjitamasmābhiḥ
kiṃ kṛtamanena nibandhayatnena | tāvapyadhikāriṇau namaskaromi ko
doṣa iti cedvismṛtaṃ śāstraṃ 'varṇānāṃ brāhmaṇo guru'riti
nanu nāsti saṃnyāsiṣu varṇa iticenmāstu tvayi tu vartate
upādhidharmo'yaṃ yoninimitto yāvaccharīraṃ vartate'bhimānastu nāsti
kacit | tasmādvarṇaṃ smṛtvā namaskāraḥ kartavyaḥ | iti maṅgalācaraṇe vādavijayapaṭahabhedaḥ | alamasmai ekaeva daṇḍaḥ | iti
dvitīyaḥ pulākaḥ