Bhagavadgita 48.6

Bhagavadāśayānusaraṇabhāṣya 48.6

Language: Sanskrit

48.6

guḍākā nidrā tadīśena jitanidreṇārjunenaivam ukto
bhagavān ubhayoḥ senayor madhye rathaṃ sthāpayitvovāca /
kathaṃ sthāpayitvety āha bhīṣmadroṇapramukhataḥ
tayoḥ sammukham / ādyāditvāt (sārvavibhaktikaḥ) tasiḥ /
sarveṣāṃ ca rājñāṃ sammukham /
kim uvācety āha he pārtha /
paśyaitān ekatra samavāyaṃ gatān kurūn iti /
bhīṣmadroṇābhimukhe rathasthāpanābhiprāyaṃ bhagavān āha
yata pitāmahagurūn prati kadācid asyāyuyutsā syāt tad enaṃ
jñānopadeśena pravartayiṣyāmīti // 24 //

Previous: 48.5
Next: 48.7
Up: 48

Linked texts (1)

Bhagavadgītā — Vyāsa, Sanskrit