Bhagavadgita 2.3

2.3

śrīḥ | he dhṛtarāṣṭra ! madhusūdanaḥ madhuṃ madhunāmānaṃ daityaṃ sūdayatīti madhusūdanaḥ śrīkṛṣṇaḥ taṃ arjunaṃ prati idaṃ vakṣyamāṇaṃ vākyaṃ uvāca uktavān | kathaṃbhūtaṃ tam | kṛpayā dayayā āviṣṭaṃ vyāptam | punaḥ kathaṃbhūtaṃ tam | aśrupūrṇākulekṣaṇaṃ aśrubhiḥ pūrṇe ākule vyākule īkṣaṇe netre yasya saḥ aśrupūrṇākulekṣaṇaḥ tam | punaḥ kathaṃbhūtaṃ tam | tathā uktaprakāreṇa viṣīdaṃtaṃ viṣīdatīti viṣīdan tam |
he madhusūdana he madhudaityārisūdana ! ahaṃ saṃkhye saṃgrāme bhīṣmaṃ pitāmahaṃ cetyaparaṃ droṇaṃ guruṃ iṣubhiḥ bāṇaiḥ kathaṃ yotsyāmi kathaṃ yuddhaṃ karomi ? api tu na kariṣyāmi | kathaṃbhūtau bhīṣmadroṇau pūjāhauṃ pūjāyāṃ arhau yogyau staḥ |