Bhagavadgita 2.42

2.42

karmarūpaṃ baṃdhaṃ prahāsyasi tyakṣyasi |
punaḥ kathaṃbhūtāḥ avipaścitaḥ | kāmātmānaḥ ata eva svargapaṃrāḥ kāmeṣu manoratheṣu ātmā cittaṃ yeṣāṃ te kāmātmānaḥ kāmākulacittāḥ ataḥ hetoḥ svargaparāḥ svarga eva paraḥ puruṣārtho yeṣāṃ te | kathaṃbhūtāṃ vācam | janmakarmaphalapradāṃ janma ca karmāṇi ca janmakarmāṇi janmakarmaṇāṃ phalāni janmakarmaphalāni janmakarmaphalāni pradadātīti janmakarmaphalapradā tām | punaḥ kathaṃbhūtāṃ vācam | bhogaiśvaryagatiṃprati bhogaḥ viṣayabhogaḥ ca aiśvarya saṃpattiḥ bhogaiśvarye bhogaiśvaryayoḥ gatiḥ prāptiḥ bhogaiśvaryagatiḥ tāṃprati kriyāviśeṣabahulāṃ kriyāyāḥ karmaṇaḥ viśeṣāḥ atiśayāḥ kriyāviśeṣāḥ kriyāviśeṣāḥ bahulāḥ yasyāṃ sā kriyāviśeṣabahulā tām |