Bhagavadgita 2.44

2.44

evarvādinaḥ vadaṃti te vādinaḥ vādaśīlāḥ | kathaṃbhūtāṃ vācam | puṣpitāṃ puṣpāṇi saṃjātāni yasyāṃ sā puṣpitā tāṃ viṣalatāvat āpātaramaṇīyām |
he arjuna ! traiguṇyaviṣayāḥ traiguṇyāḥ sakāmāḥ viṣayāḥ yeṣāṃ te tathoktāḥ vedāḥ viṣa - yāṇāṃ karmaphalasaṃbaṃdhapratipādakāḥ saṃti | tvaṃ tu nistraiguṇyaḥ niṣkāmaḥ bhava | tatropāyamāha tatra niṣkāme upāyaṃ ahaṃ vadāmi | nirdvaṃdvaḥ nirgatāni dvaṃdvāni sukhaduḥkhaśītoṣṇādīni yasya saḥ bhava | kiṃ ca nityasattvasthaḥ nityaṃ ca tat sattvaṃ śuddhasattvaṃ ca nityasattvaṃ nityasattve tiṣṭhatīti tathoktaḥ | kiṃ ca niryogakṣemaḥ yogaḥ aprāptasvīkāraḥ ca kṣemaṃ prāptapālanaṃ yogakṣemau nirgatau yogakṣemau yasya saḥ tathoktaḥ | kiṃ ca ātmavān ātmā vidyate yasya saḥ ātmavān apramattaḥ bhava |