Bhagavadgita 2.71

Bālabodhinī 2.71

Language: Sanskrit

2.71

āpūryamāṇamiti | yadvat yathāprakāreṇa āpaḥ vṛṣṭyādiprabhavāṇi udakāni āpūryamāṇaṃ sarvābhiḥ nadībhiḥ āpūryamāṇaṃ samudraṃ praviśaṃti | kathaṃbhūtaṃ samudram | acalapratiṣṭhaṃ acalā pratiṣṭhā yasya saḥ acalapratiṣṭhaḥ taṃ anatikrāṃtamaryādaṃ tadvat tathāprakāreṇa sarve saṃpūrṇāḥ kāmāḥ viṣayāḥ yaṃ aṃtardṛṣṭiṃ muniṃ bhogaiḥ avikriyamāṇameva prārabdhakarmabhiḥ ākṣiptāḥ saṃtaḥ praviśaṃti saḥ muniḥ śāṃtiṃ kaivalyaṃ prāpnoti | kāmakāmī tu kāmeṣu viṣayeṣu kāmo abhilāṣaḥ yasyāstīti kāmakāmī viṣayābhilāṣī śāṃtiṃ kaivalyaṃ na prāpnoti | kathaṃbhūtaṃ munim | acalapratiṣṭhaṃ acalā pratiṣṭhā sthitiḥ yasya saḥ acalapratiṣṭhaḥ tam |

Previous: 2.70
Next: 2.72
Up: 2

Linked texts (1)

Bhagavadgītā — Vyāsa, Sanskrit